Vegna Covid aðstæðna í samfélaginu hefur ársfundi Minjastofnunar Íslands 2021 verið frestað fram í febrúar 2022. Meginumfjöllunarefni ársfundarins verða friðlýsingar frá ýmsum sjónarhornum.

Opið er fyrir umsóknir í húsafriðunarsjóð og fornminjasjóð fyrir árið 2022. Umsóknarfrestur í húsafriðunarsjóð er til og með 1. desember 2021. Umsóknarfrestur í fornminjasjóð er til og með 10. janúar 2022. Sótt er um í gegnum þjónustugátt hins opinbera, island.is.
Slóðir á umsóknirnar má finna hér.

Líkt og í fyrra mun Minjastofnun halda úti jóladagatali þar sem daglega verða birtar upplýsingar um menningarminjar vítt og breitt um landið. Fylgist með á heimasíðu stofnunarinnar og Facebook síðu þann 1. desember!

Minjaráð eru samráðsvettvangur um varðveislu og nýtingu menningarminja á hverju minjasvæði. Minjaráð beita sér fyrir verkefnum á sviði minjavörslu, til eflingar byggðar og atvinnusköpunar. Hægt er að nálgast allar fundargerðir minjaráðsfunda undir viðeigandi minjasvæði á heimasíðu Minjastofnunar. Þar má einnig sjá lista yfir minjaráðsfulltrúa.

Nú liggja í samráðsgátt stjórnvalda drög að reglugerð um minjasvæði og minjaráð. Umsagnarfrestur er til 6. desember 2021. Drögin má finna hér.

Íslandsdeild ICOMOS efnir til málþings um loftslagsbreytingar og menningararf í fundarsal Norræna hússins og á Zoom fimmtudaginn 2. desember 2021. Málþingið nefnist „Climate change and cultural heritage“  og stendur frá kl. 9.00 til 17.00. Vegna sóttvarnarreglna er fjöldi í fundarsal takmarkaður við 50 manns og gildir að fyrstur kemur fyrstur fær. Einnig verður hægt að taka þátt á málþinginu sem fjarfundi á Zoom. Vinsamlegast skráið þátttöku með því að senda tölvupóst á netfangið icomosiceland2@gmail.com og takið fram ef óskað er eftir sæti í fundarsal. Tölvupóstur með hlekk á Zoom-fund verður sendur fyrir fundinn. Málþingið fer fram á ensku og eru fyrirlesarar íslenskir og erlendir fræðimenn. Dagskrá málþingsins ásamt frekari upplýsingum má finna hér.

Opnað hefur verið fyrir umsóknir vegna viðurkenningar Europa Nostra/European Heritage Awards fyrir árið 2022. Viðurkenningin er veitt fyrir framúrskarandi árangur á sviði verndunar menningararfleifðar. Nánari upplýsingar má nálgast hér. Umsóknarfrestur er til 1. febrúar 2022. Árið 2016 hlaut endurbygging Franska spítalans á Fáskrúðsfirði viðurkenningu Europa Nostra, fyrst íslenskra verkefna.

Opnað hefur verið fyrir þátttöku í European Heritage Days Stories. Þátttökurétt hafa þeir sem: sem staðið hafa fyrir viðburðum í tengslum við menningarminjadaga Evrópu á árunum 2018-2021, eru handhafar European Heritage Label og/eða Europa Nostra viðurkenningar/European Heritage Awards. Nánar má lesa um European Heritage Days Stories hér. Frestur til að senda inn sögur er til 17. janúar 2022.

Vegna fjölda Covid smita verður ekki tekið á móti gestum í Húsverndarstofu næstu vikurnar. Áfram má hringja í s. 411-6333 og senda tölvupóst í netfangið minjavarsla@reykjavik.is á opnunartíma Húsverndarstofu sem er alla miðvikudaga á milli kl. 15 og 17. Húsverndarstofa verður svo lokuð frá og með 8. desember næstkomandi til 2. febrúar 2022.

23. nóvember 2021

Ritstjóri: Ásta Hermannsdóttir

Ábyrgðarmaður: Kristín Huld Sigurðardóttir