Ákveðið hefur verið að fara í hópferð á EM í Danmörku á vegum HSÍ í samstarfi við Icelandair.

Vel gengur að bóka í pakkana og má búast við að einhverjir pakkar fyllist fljótlega. Það er því um að gera að tryggja sér miða.

Það er ekki hægt að finna hagkvæmari valkost á mótið þar sem flogið verður beint á Álaborg og til baka.

Landsliðsfyrirliðinn Guðjón Valur segir að það komi ekkert annað til greina en að komast upp úr hinum geysisterka riðli sem Ísland er í. Hann segir að landsliðið þurfi allan þann stuðning sem hægt er að veita. Því hvetur hann alla þá sem geta til að skjótast til Álaborgar og sjá handbolta á heimsmælikvarða. Áfram Ísland!

Landsliðið fer 2. janúar til Þýskalands á æfingamót fyrir EM í Danmörku. Þar munu strákarnir mæta þremur erlendum landsliðum.

Ferðin er lokaþáttur í undirbúningi fyrir EM í Danmörku og þar mun Aron Kristjánsson velja lokahópinn.

Liðin sem Ísland mætir eru:

Sun. 5.jan. Oberhausen
15.15 Ísland - Þýskaland

Lau. 4.jan. Krefeld
14.00 Ísland - Austurríki

Fös. 3.jan. Dortmund
17.00  Ísland - Rússland

Aron Pálmarson hefur náð sér að meiðslum sem hefur hrjáð hann og er kominn á fulla ferð með Kiel. Þann 1. desember skoraði Aron hvorki meira né minna en 9 mörk gegn Wisla Plock frá Póllandi og var besti maður Kielar. Aron var lykilmaður í sigri Kiel á Fusche Berlin 8. desember og því má segja að Aron sé á fullri ferð og verði klár í slaginn í Danmörku í janúar.

Guðjón Valur fyrirliði landsliðsins var nýlega valinn annar besti vinstri hornamaður í heimi. Í fyrsta sæti var Anders Eggert hinn danski.

Guðjón Valur rústaði þó netkosningunni og þar mátti lesa ýmis ummæli, til dæmis þetta sem allir íslendingar geta verið sammála:

"How are they even comparable? Eggert does nothing in defense and is small and weak, he cant play on the line either or do anything besides jump from the corner. Same with Uwe. Sigurdsson can play any position and is among the best players of all time. Eggert isn’t even the best danish winger in the past 5 years."