Fàilte gu iris na Sultain de An Lìonra, an litir-naidheachd do dh’Oileanaich Oilthigh na Gàidhealtachd agus nan Eilean.
Feumaidh sinn fàilte bhlàth shònraichte a chur air ar n-oileanaich ùra. Gur e math a thèid leibh le ur cuid ionnsachaidh - tha sinn an dòchas gun còrd UHI ribh agus gum faigh sibh mòran às.
Anns an iris seo gheibh thu tuilleadh fiosrachaidh mu na seirbheisean a bhios rim faotainn dhut tro roinn nan oileanach air an làraich-lìn ùr aig UHI; cluinnidh tu mu na buannachdan a gheibh thu agus tu nad bhall de chomann oileanaich UHI, UHISA, agus mun cho-fharpais mhìorbhaileach againn, anns am bi sinn a’ lorg bheachdan airson gnothachas.
Làrach-lìn ùr UHI ga cur air bhog
Làrach-lìn ùr UHI
Le bhith a’ bruthadh air a’ cheangal ‘oileanaich’ a bhios a’ nochdadh aig mullach a h-uile duilleig air làrach-lìn UHI gheibh thu na h-uile fiosrachaidh agus goireasan a bhios a dhìth ort, a’ gabhail a-steach phutanan a bheir thu gu dìreach do na rudan a bhios tu a’ cleachdadh gu cunbhalach leithid an leabharlann, Blackboard, post-d agus clàraidhean UHI.
Tha fiosrachadh ann do dh’oileanaich ùra agus dhan fheadhainn a bhios a’ tilleadh, comhairle mu mar a gheibh thu taic rè do chuid ionnsachaidh, comhairle mu dhreuchdan bhon ionad dhreuchdan, agus naidheachdan sònraichte do dh’oileanaich UHI. Faigh thu cothrom air na lìonraidhean sòisealta againn cuideachd - uile bhon aon duilleag!
Neach-teasairginn às an Oban air a ainmeachadh mar oileanach na bliadhna
Oileanach na bliadhna UHI
Fhuair fear òg “air leth” a tha dèidheil air a’ mhuir agus saidheans mara urram eachdraidheil agus e air a ainmeachadh ciad oileanach na bliadhna aig Oilthigh na Gàidhealtachd agus nan Eilean.
Is e Lewis Drysdale, a chaidh ainmeachadh oileanach na bliadhna Chomann Saidheans Mara na h-Alba UHI (SAMS), aon de 13 com-pàirtichean an oilthigh, mar-thà, tagh aon-ghuthach na ceathramh breitheamhan. Gheibh e £300 agus teisteanas aig cuirm cheumnachaidh SAMS air 28 Dàmhair.
Cothroman do dh’oileanaich agus ceumnaichean
Greis-gnìomhachais do cheumnaichean
Tha farsaingeachd de chothroman greis gnìomhachais eadar-dhealaichte ann do cheumnaichean air feadh na Gàidhealtachd agus nan Eilean. Air a’ mhìos sa tha:
• Plana Margaideachd do North Highland Products
• Leasachadh prògram gnìomhachdan do Bodysurf Dance Company
• Rianaire Margaideachd aig Russwood, Baile ùr an t-Slèibh
Dh’atharraich na riaghailtean acadaimigeach airson measadh mhodalan airson 2011-12. Ma bhios tu a’ dèanamh fo-cheum, feumaidh tu a bhith mothachail air an atharrachadh seo.
Feumar co-dhiù 40% fhaighinn ann am modalan fo-cheum fhathast (a rèir staitistearachd). Chan eil e mar riatanas a-nis co-dhiù 30% fhaighinn ann an gach eileamaid de mheasadh (ach ma bhios seo dearbhte gu sònraichte ann an tuairisgeul a’ mhodail). Ach feumaidh tu gach pàirt de mheasaidhean fheuchainn. Mur a chuireas tu obair a-steach airson eileamaid sam bith de mheasadh, fàilligidh tu am modal gu h-iomlan.
Is e adhbhar an atharrachaidh seo do chuideachadh a bhith a’ sealltainn gun do choinnich thu ris a h-uile toradh ionnsachaidh den mhodal. Feumaidh tu dèanamh cinnteach gu bheil fios agad dè dìreach a th’ anns na riatanasan measaidh airson gach modal - ma bhios teagamh sam bith ort, cuir fios do stiùiriche do mhodail no stiùiriche prògraim.
Cha do dh’atharraich na riaghailtean airson mhodalan for-cheuma. Mìneachadh a bharrachd aig Riaghailtean Acadaimigeach UHI
Gairm airson co-chomhairleachadh nan oileanach
C21C: Co-chomhairleachadh oileanach
Oileanaich gan iarraidh! Tha cuireadh romhad tighinn gu coinneamh tro cho-labhairt bhideo gus bruidhinn mu Phàipear cho-chomhairleachaidh 1 C21C: Uairean com-pàirteachaidh.
Ceann-là: Dihaoine 16mh Sultain 2011 Uair: 11m - 12.30f Àite: EO6, FW2, agus le VC.
Chaidh seòmraichean a ghleidheadh aig a h-uile colaiste.
Nach urrainn dhut tighinn ann? Cuir do bheachdan thugainn gu dìreach le post-d
Bu toigh leam fàilte a chur air na h-oileanaich uile a bhios a’ tilleadh do UHI agus, dhan fheadhainn a tha a’ tòiseachadh aig an oilthigh, bu toigh leam fàilte a chur oirbh agus beagan innis dhuibh mu UHISA.
• Tha sinn air a ruith le oileanach, do dh’oileanaich
• Bidh sinn a’ riochdachadh do bheachdan agus na feumalachdan agad air comataidhean UHI agus ag iomairt airson do chòraichean
• Bidh sinn a’ toirt seachad taic, comhairle agus maoineachadh airson clubaichean agus comainn an oilthigh
• Bidh sinn a’ cur thachartasan sòisealta air dòigh a bharrachd air gnìomhachdan eile do dh’oileanaich
• Agus, an rud as cudromaiche, tha sinn airson gun còrd beatha an oilthigh riut
Tha tuilleadh mu ar deidhinn air làrach-lìn UHISA no ’s urrainn dhut dol an sàs sa bhuidhinn againn air Facebook or ar leantainn air Twitter.
Putan Dearg UHI
Putan Dearg UHI - a’ toirt feabhas air eòlas nan oileanach
“Is e an rud a tha math mu sheirbheis a’ Phutain Dheirg cho dealasach ’s a tha an sgioba a thaobh a bhith a’ dèanamh cinnteach gun dèiligear ris an iarrtas agad. Tha iad an còmhnaidh gu math cuideachail agus iad a’ cur fàilte air ceistean no trioblaidean sam bith a bhios agad - eadar is gum bidh iad mòr no beag! Faodaidh gach oileanach buannachd fhaighinn às an t-seirbheis seo agus às a’ chuideachadh agus taic a gheibhear.” - Oileanach UHI.
Mum dheidhinn: Bhon a dh’fhàg mi an sgoil nuair a bha mi 16 bliadhna a dh’aois, tha mi air mòran a dhèanamh, ach is e ceòl an rud mun a tha mi as dìoghrasaiche. O chionn ghoirid chluich mi bouzouki air a’ cheòl-teama airson film air a bheil The House, maoinichte le Comhairle Ealain na h-Alba, agus tha mi an-dràsta a’ dèanamh ceòl airson dealbh-chluich a chaidh a sgrìobhadh le Vanessa Oakes, sgrìobhaiche dràma a tha a’ tighinn am follais. Ann an caochladh dhòighean, is e m’ ùidh ann an ceòl-dùthchais agus cultar-dùthchais a tharraing mi don chùrsa agam.
Mo UHI: Leig am prògram Rannsachadh Cultarach mi farsaingeachd de chuspairean feumail a dhèanamh. Ach, chan ann san t-seòmar clas a-mhàin a tha mi an sàs anns an oilthigh. Mar riochdaire UHISA airson Colaiste Earra-Ghàidheil UHI bha cothrom agam siubhal air feadh na Gàidhealtachd agus nan Eilean, a’ coinneachadh ri daoine agus a’ dol an sàs ann am farsaingeachd de gnìomhachdan; ghabh mi pàirt ann an sgrùdaidhean chuspairean, tha mi nam bhall den bhuidheann sgrùdaidh chaileachd agus chur mi cuirmean ròc air dòigh! Mar phàirt den obair agam le UHISA bidh mi cuideachd ag iomairt airson mìon-chànan. Chòrd e rium gu mòr A’ Cho-labhairt Eadar-nàiseanta air Mìon-chànan fhrithealadh ann an Schleswig, a bha comasach air sgàth taic an oilthigh.
Mo mhiannan: Chan eil mi idir cinnteach dè a bhios romham san àm ri teachd, ach bu toigh leam tuilleadh ceòl a chluich a-rithist nuair a chuireas mi crìoch air mo chuid ionnsachaidh. An-dràsta is e am mòr-mhiann as motha agam a bhith fileanta sa Ghàidhlig agus feum a chur air mo chuid fhoghlam agus mi ag obair airson ùidhean cultarach agus eaconamach ar coimhearsnachdan.
An naidheachd as ùire
Abairt na mìos
A pessimist sees the difficulty in every opportunity; an optimist sees the opportunity in every difficulty - Winston Churchill
Tachartasan agus trèanadh
Tachartas fèin-fhastaidh
Bidh Ionad Dhreuchdan UHI agus CREATE, an t-ionad airson iomairt agus ùr-ghnàthachadh a’ cur tachartas Sgilean airson Soirbheas air dòigh air an teama de fhèin-fhastadh agus tòiseachadh gnothachasan aig àm lòin Diardaoin 6mh Dàmhair.
Bidh goireasan co-labhairt bhideo rim faotainn air feadh UHI.
Cuir fios gu Helen Anton airson barrachd fiosrachaidh.
Seirbheisean nan oileanach
Dèan na thogras tu dhiot fhèin
Bidh Ionad Dhreuchdan UHI a’ tabhann farsaingeachd de thaic dhreuchdan do dh’oileanaich, a’ gabhail a-steach stiùireadh-d agus stiùireadh air an telefòn, cuideachadh le sgrìobhadh CBan agus sgilean agallaimh, seiminearan sgilean, stòr-dàta obraichean agus fiosrachadh coitcheann air dreuchdan agus comas fastaidh.
Comhairlichean oileanach - an seo gus do chuideachadh
Is iad comhairlichean oileanach oileanaich nas fiosraichte a bhios a’ toirt taic do dh’oileanaich ùra. ’S urrainn dhaibh an t-eòlas aca a tha thoirt seachad, gus an còrd an àm anns am bi thu nad oileanach riut.
A bheil beachd agad airson gnothachas? Am b’ urrainn don bheachd agad a bhith prothaideach no coinneachadh ri feum sòisealta?
Faigh tuilleadh fiosrachaidh agus cuir iarrtas a-steach an seo
Farpais bheachdan gnothachais - duaisean airgid as fhiach £3500
Tha an t-Ionad airson Iomairt aig Colaiste Pheairt UHI air leth toilichte a bhith a’ lorg deagh bheachdan gnothachais a-rithist
Tha e furasta pàirt a ghabhail agus gheibh thu foirm-iarrtais an seo.
Colaiste Pheairt UHI - Sgoilearachdais
Le prògram sgoilearachais nan oileanach air leth, ’s urrainn dhut smachd fhaighinn air do chuid bheatha agus do làn chomais a choilionadh.
Gheibhear fiosrachadh mun taic ionmhasail a tha ri faotainn anns an leabhran.
An e boireannach òg a th’ unnad?
Bidh an darna coinneamh aig a' Bhuidhinn Fòcais do Bhoireannaich Òga san t-Sultain.
An ann fo 25 bliadhna a dh’aois a tha thu? Am bu toigh leat barrachd fios a bhith agad mun bhuidhinn?
Cuir fios gu Màiri gus d’ainm a chur ris an liosta postachd.
Còcaire òg as fheàrr ga lorg
Tha còcairean às a’ Ghàidhealtachd agus na h-Eileanan a’ faighinn cothrom air leth pàirt a ghabhail ann an fharpais sgìreil gus an còcaire òg as fheàrr a lorg.
Is e a’ chiad dhuais seachdain greis-gnìomhachais aig an taigh-bìdh ainmeil aig Michel Roux Òg an Lunnainn, Le Gavroche.
’S ann Diluain 24mh Dàmhair 2011 a bhios a’ chuairt dheireannach, aig Taigh-òsta Trèanaidh am Burghfield, Dòrnach. Tuilleadh fiosrachaidh.
NUS Extra
Is e a th’ann an NUS Extra prìomh chairt dòigh-beatha agus lughdachaidh do dh’oileanaich.
Sa chumantas, bidh oileanaich a’ sàbhaladh còrr is £500 gach bliadhna le bhith a’ cleachdadh cairt Extra. Tha e gu math furasta cairt Extra a cheannach agus cha toir e ach mionaid no dhà. Carson a tha thu a’ feitheamh? Ceannaich fear air-loidhne an-dràsta.
Tha thu a' faighinn a' phuist-d seo leis gur e oileanach Oilthigh na Gàidhealtachd agus nan Eilean a th'annad. Nam b'fheàrr leat gun a bhith a'faighinn a'phuist-d seo, thoir d'ainm far na liosta.
