Fàilte gu An Lìonra, an litir-naidheachd do dh’Oileanaich Oilthigh na Gàidhealtachd agus nan Eilean. Tha tòrr ann ri a leughadh air a’ mhìos-sa - faigh a-mach dè a tha oileanaich a’ smaoineachadh mu UHI ann an toraidhean suirbhidh nan oileanach; thoir sùil air na dealbhan bho na cuirmean ceumnachaidh againn; faigh a-mach mu chlubaichean ùra aig UHI no feuch leirmheas a sgrìobhadh mu fhilm a chunnaic thu no leabhar a leugh thu o chionn ghoirid. Cuimhnich cuideachd gu bheil sinn an-còmhnaidh ag iarraidh sgeulachdan bho oileanaich. Faodaidh tu rud sam bith a chur thugainn airson na h-ath iris againn.
Toraidhean Suirbhidh nan Oileanach
Tha aithisg suirbhidh nan oileanach 2010/11 a-nis ri faotainn.
Tharraing an t-suirbhidh an àireamh as motha a-riamh de fhreagairtean. Tha toraidhean a’ sealltainn gun d’ rinn sinn adhartas anns cha mhòr a h-uile roinn agus gu bheil toileachas iomlan air a dhol am meud.
Ach tha iad cuideachd a’ sealltainn gu bheil roinnean fhathast ann air am faod sinn feabhas a thoirt, a’ gabhail a-steach:
• Oileanaich a’ faireachdainn gu bheil iad a’ com-pàirteachadh gu h-iomlan anns a’ phrògram ionnsachaidh aca
• Cho luath ’s a bhios fios air ais air measaidhean ri fhaotainn
• Nach bi oileanaich a’ faireachdainn gur ann mar phàirt de bhuidheann nan oileanach nas fharsaing a tha iad
Ma bhios ceistean no beachdan agad, cuir fios gu Iain Moireasdan no leugh na toraidhean an seo
Tachartas an ionaid dhreuchdan – 6 Dùbhlachd
Ruith Ionad Dhreuchdan UHI tachartas Sgilean airson Soirbheas mu fhèin-fhastadh o chionn ghoirid, an co-bhann ri CREATE.
Bidh an ath thachartas, mu ghreis-gnìomhachais do cheumnaichean, a’ gabhail àite Dimàirt 6mh Dùbhlachd, 12f-2f. Bidh ceanglaichean co-labhairt bhideo rim faotainn.
Bidh a’ chiad sheiminear Rannsachadh Seasmhach a’ gabhail àite Dihaoine 18mh Samhain, 1-2f aig Institiud Mara na h-Alba.
Bheir an t-Oll Branka Valcic bho SAMS òraid seachad air a bheil an tiotal: ‘Sealladh air Gluasadan agus Suidheachaidhean airson na Mara Deas Sìneach’.Cuir fios gu Jayne airson tuilleadh fiosrachaidh.
Ceumnaiche Ballet ann an fharpais chruinneil
Tha ceumnaiche bho Oilthigh na Gàidhealtachd agus nan Eilean air a bhith soirbheachail ann an fharpais dhannsa eadar-nàiseanta.
Is i Sarah Mortimer, a choilean BA ann an ballet clasaigeach agus taisbeanadh dannsa aig Ballet West san Òban tro Cholaiste na Gàidhealtachd a Tuath UHI, an t-aon Breatannach sa chuairt dheireannaich den Fharpais Ballet Eadar-nàiseanta Genée 2011 ann an Cape Town. Leugh tuilleadh.
Ceumnaichean ann an saidheans slàinte beòil
Cheumnaich na ciad oileanaich crìoch a chur air a’ cheum saidheans slàinte beòil san t-Sultain. Chaidh dreuchdan air feadh na sgìre a thabhann dhaibh mar-thà. Leugh tuilleadh.
Obair oileanaich a’ nochdadh aig RSA
Thathas a’ taisbeanadh na h-obrach aig seachdnar ceumnaichean à Uibhist, a chuir crìoch air a’ chùrsa BA le urram ann an ealain fhìnealta, ann an Loch nam Madadh.
Bidh cuid den obair cuideachd a’ nochdadh aig Acadamaidh Rìoghail na h-Alba agus Comann Ealain na h-Alba agus chaidh cuid de na ceumnaichean a thaghadh gus muinntearas a ghabhail.
Tha Photolink a-nis ri fhaotainn gus dealbhan fhaicinn agus a cheannach bho na cuirmean ceumnachaidh agus toirt seachad dhuaisean a chaidh a chumail san Lùnastal agus san t-Sultain.
• Comas-fastaidh agus iomairt
• Gluasad eadar foghlam adhartach agus àrd-fhoghlam
• Eisimpleirean bho fhastaichean sgìreil agus sgeulachdan bho alumni
• Fiosrachadh mu stiùireadh dhreuchdan an sgìrean eadar-dhealaichte
• Fiosrachadh nas fheàrr mun mhargadh obrach do dh’oileanaich an sgìrean eadar-dhealaichte
Bidh am prògram, air a bheil an tiotal My World of Work a’ ruith bhuidhnean fòcas nan oileanach air eadar-gluasad agus a’ leasachadh eisimpleirean bho fhastaichean agus sgeulachdan nan alumni sa chiad dol a-mach.
Bidh obair san am ri teachd a’ toirt taic do thoirt gu buil ar ro-innleachd comas-fastaidh agus leasachadh leantainneach Ionad Dhreuchdan UHI. Cuir fios gu Iain airson barrachd fiosrachaidh.
Na naidheachdan as ùire bho UHISA
Air a’ mhios-sa bha Chomann Oileanaich UHI (UHISA) os cionn tachartas ‘Cruinneachadh Oileanach agus Comhairle UHI’ a mhair dà latha.
Thug Chris Young, riochdaire “The Inbetweeners” agus oileanach aig Sabhal Mòr Ostaig UHI, òraid bhrosnachail seachad do na h-oileanaich mu bhith a’ cur dreuchd air bhog bhon Ghàidhealtachd. Chaidh dà sheisean a chumail anns an d’thug oileanaich am beachdan seachad do Gary Caimbeul agus Rhiannon Tinsley mu chùisean acadaimigeach agus do Iain Moireasdan mun thaobh shòisealta. A bharrachd air seo, tha Capita Consulting airson cluinntinn bho na h-oileanaich air na leanas: “Dè na buannachdan a th’ ann a bhith ag ionnsachadh aig UHI?’ agus “Dè na rudan eile a bu chòir don oilthigh a bhith a’ dèanamh?’
Air an darna latha bha a’ chomairle air a dhèanamh suas de 12 gluasadan a chaidh a chur air adhart le oileanaich, a mhol atharrachaidhean anns an dòigh a tha Comann nan Oileanach agus UHI air an ruith. Nochdaidh barrachd fiosrachaidh mu na thàinig à seo air làrach-lìn UHISA a dh’aithghearr.
Bidh an darna Comhairle Oileanach UHI a’ gabhail àite san ath shemeastair. Thathas a’ brosnachadh a h-uile oileanach a thighinn ann - is e seo aon dòigh anns as urrainn dhut atharrachaidhean a bhrosrachadh taobh a-staigh an oilthigh. Airson tuilleadh fiosrachaidh, cuir fios gu Nathan no Katrina.
Mum dheidhinn
: Fhuair mi m’ àrach air tuathanas air Rois Mhuile bhòidheach, a th’ air a bhith aig mo theaghlach fad bliadhnaichean. Bha agam ri dhol don sgoil san Òban, agus bha mi air falbh bhon taigh Diluain gu Dihaoine gach seachdain bhon uair a bha mi 11 bliadhna a dh’aois. Cha do chòrd e rium idir, idir agus bha fios agam nan robh mi gu bhith ag adhartachadh mu chuid fhoghlam, ’s ann ann am Muile a bhithinn ga dhèanamh. Is e an rud as fheàrr leam a bhith aig an taigh, a’ cuideachadh air an tuathanas agus ùine a chur seachad le mo theaghlach. Tha mi a’ cumail orm ag obair agus mi a’ dèanamh mo cheum, aig Ardalanish Weavers a bhios a’ breabadaireachd clò mòr orgànach, agus aodach boidheach. Tha ùidh mhòr agam ann an eachdraidh na h-Alba, a tha mi gu math dealasach mu dheidhinn, gu sònraichte àm nam fuadaichean, agus tha e a’ còrdadh rium a
bhith a’ fuireach ann an sgìre anns a bheil beartas dualchas cultarach.
Mo UHI
: Cha do smaoinich mi a-riamh gum biodh e comasach dhomh ceum a dhèanamh bho Eilean Mhuile. Mar sin, ’s e rud mìorbhaileach a th’ ann dhomh gun urrainn dhomh fuireach ann an àite cho breagha. Tha eachdraidh agus poilitigs a’ dol ri chèile gu math, a’ toirt dhomh tuigse math air an t-saoghal, an-dràsta agus san àm a dh’fhalbh. Tha na h-òraidean air leth inntinneach, agus bidh na h-òraidichean a’ tuigsinn thrioblaidean a dh’fhaodadh èirigh le teicneòlas. Aig Colaiste Earra-Ghàidheil UHI, tha mi gu math fòrtanach an uiread de stiùireadh agus cuideachadh fhaighinn bho Mhanaidsear an Ionaid Ionnsachaidh. Tha mi cuideachd nam riochdaire oileanach airson Colaiste Earra-Ghàidheil UHI, agus air bòrd na colaiste, a’ frithealadh nan coinneamhan stiùiridh. Tha mi ag obair an-dràsta còmhla ri co-obraichean gus Comann Oileanach a stèidheachadh do na
h-oileanaich, an dà chuid FE agus HE, aig Colaiste Earra-Ghàidheil.
Mo mhiannan:Chan eil mi buileach cinnteach dè a nì mi leis a’ cheum agam ach, aig an ìre-sa, tha ùidh mhòr agam ann an obair aig an ìre stiùiridh, agus tha fios agam gun urrainn dhomh na sgìlean a gheibh mi às a’ cheum agam a chur gu feum san raon seo. Cha mhòr nach eil mi cinnteach an-dràsta gum fuirich mi ann am Muile fad iomadach bliadhna, leis gu bheil mi gu math toilichte an seo. Bu toigh a bhith a’ cumail orm le m’obair aig Ardalanish Weavers. Bu tòigh leam cuideachd pàirt a ghabhail anns an Ionad Eachdraidh ann an Bun Easain, Eilean Mhuile, agus eachdraidh Muile a chumail beò.
An naidheachd as ùire
Abairt na Mìos
Tell me and I will forget. Show me and I may not remember. Involve me and I will understand.
Abairt nan Ameireaganaich Dùthchasach
Tachartasan agus trèanadh
Tosgairean Oileanach SIE gan iarraidh
Tha Institiud Iomairt na h-Alba (SIE) ag iarraidh Thosgairean Oileanach gus ìomhaigh iomairt agus tionnsgaineach ardachadh.
Oileanaich agus comhairlichean oileanach gan iarraidh
Cuir fios gu Kevin nam bu toigh leat tuilleadh fiosrachaidh.
Seirbheisean oileanach
Putan Dearg
‘Is e a th’ anns a’ Phutan Dhearg dòigh math a bhith a’ dèanamh conaltradh nuair nach eil fhios agad cò ris am bu chòir dhut a dhol le trioblaid’ - Oileanach UHI
Cuimhnich gu bheil am Putan Dearg ann dhut fhèin - ma tha rud sam bith a tha thu airson innis dhuinn, math no dona, mun àm agad aig UHI, Brùth am Putan
Stiùireadh do dh’oileanaich le Doille-fhaclan
Tha duilleag-lìn le fòcas air oileanaich ri faotainn an seo. Cuir fios gu Mark nam bu toigh leat fiosrachadh a bharrachd.
Naidheachdan eile
Ma tha ùidh agad ann a bhith a’ togail dhealbhan, carson nach tig thu còmhla ri Club Togail Dhealbhan UHI? Tuilleadh mu dheidhinn an seo.
A bheil ùidh agad ann an streapadaireachd?
Carson nach tèid thu an sàs ann an Club Streapadaireachd Inbhir Nis? Theirig don dhuilleag Faceboook an seo airson tuilleadh fiosrachaidh.
A bheil rudeigin agad ri a reic?
Tha riochdairean a’ phrògraim Four Rooms air Channel 4 ag iarraidh dhaoine a ghabhas pàirt san ath shreath.
Ma tha rudeigin agad ri a reic, is tu am beachd gum faod a bhith as fhiach mòran airgid, cuir fios gu Bella Lloyd.
Tha Duaisean na Comhairle Nàiseanta airson Eòlas Obrach (NCWE) ag aithneachadh agus a’ toirt dhuaisean do fhastaichean air feadh na RA airson an obair chruaidh agus dealas airson a bhith a’ toirt seachad eòlas-obrach luachmhòr agus cothroman air greis-ghnìomhachais.
Mas aithne dhut buidheann a tha airidh air aithneachadh, ainmich i airson na duais againn ‘Greis-ghnìomhachais na Bliadhna - ainmichte le comhairleach dhreuchdan, bùth dhreuchdan no neach-oideachaidh greis-gnìomhachais’.
Athchuinge gus foghlam ionmhasail a dhèanamh na pàirt deatamach den churraicealam.Cuir d’ainm ris an seo.
21words
A bheil ùidh agad ann a bhith a’ sgrìobhadh leirmheasan? Is e làrach-lìn ùr a th’ ann an 21words a tha airson sgrìobhadairean a bhrosnachadh a bhith a’ co-roinn nam beachdan cruthachail aca, ann an 21 facail a-mhàin.
The National Student - làrach-lìn ùr ga cuir air bhog
Agus i air a sgrìobhadh le oileanaich, do dh’oileanaich, tha Tha National Student a’ sireadh sgrìobhadairean a chuireas ris an làraich. Tuilleadh fiosrachaidh an seo
Am bu toigh leat film a dhèanamh?
Thathas a’ brosnachadh taighean-dhealbh, buidhnean coimhearsnachd agus buidhnean eile a tha airson fèis fhilm phoblaich a chur air bhog an Alba iarrtas a dhèanamh airson co-roinn de sgeama ùr as fhiach £60,000 bhon bhuidheann leasachaidh, Sgrin Sgìreil na h-Alba (RSS)
Tha tòrr farpaisean do dh’oileanaich anns an Independant
Thoir sùil air The Student Pocket Guide airson fiosrachadh iomlan mu bheatha nan oileanach, a’ gabhail a-steach fharpaisean, bi-beò agus agallamhan le daoine ainmeil.
Tha thu a' faighinn a' phuist-d seo leis gur e oileanach Oilthigh na Gàidhealtachd agus nan Eilean a th'annad. Nam b'fheàrr leat gun a bhith a'faighinn a'phuist-d seo, thoir d'ainm far na liosta.