Buannaich £50!

Bidh Aonad Leasachadh Foghlaim a’ dùnadh an t-suirbhidh aca air guthan co-thàthte a dh’aithghearr. Bheir an suirbhidh seo, a mhaireas 10 mionaidean, cothrom dhut buaidh a thoirt air cleachdadh ghuthan co-thàthte aig an oilthigh ann an leasachadh stuthan ionnsachaidh an ama ri teachd. Thèid suirbhidhean a-steach do chrannchur aig a bheil bileag Amazon as fhiach £50 mar dhuais. Lìon an suirbhidh an seo ro 15mh Gearran.

Thathas ag iarraidh saor-thoilich airson Geamannan a’ Cho-fhlaitheis 2014. Barrachd fiosrachaidh mun chothrom air leth seo an seo

Agus e uaibhreach a bhith na chom-pàirtiche foghlaim ann an Celtic Connections, bidh luchd-obrach agus oileanaich bho Oilthigh na Gàidhealtachd agus nan Eilean a’ dol air an àrd-urlar airson àireamh de chuirmean-ciùil agus òraidean acadaimigeach air feadh Faoilleach 2013 le measgachadh de cheòl, cànan, eachdraidh agus arc-eòlas.

Leugh blog làitheil nan oileanach an seo

’S e àm an taghaidh a th’ ann a-rithist!
Ainmeachaidhean a’ fosgladh: 01/02/13 Ainmeachaidhean a’ dùnadh: 15/02/13 Iomairtean: 25/02/13 - 08/03/13 Àm nan Ceistean: 08/03/13 Làithean bhòtaidh:11/03/13 - 15/03/13
Toraidhean an taghaidh:15/03/13

Airson fiosrachadh iomlan tadhail air làrach-lìn UHISA.

Ainm: Lydia Crow
Cùrsa: Chlàraich mi airson ceum rannsachaidh aig an Ionad airson Rannsachadh Lochlannach, a’ rannsachadh cultar agus fèin-aithneachadh, gu sònraichte ann an Arcaibh.
Mum dheidhinn: Chaidh m’ àrach ann an Arcaibh agus tha an teaghlach agam a’ fuireach ann an Gallaibh a-nis, ged a tha mi an-dràsta air mo shuidheachadh air taobh deas na crìochan. Tha mi à teaghlach mòr, inntinneach (rudeigin coltach ris an Addams Family, na Waltons agus na Mitchells o Eastenders, bidh mi ag ràdh).
Mo UHI: Tha mi cuideachd nam cheumnaiche bho UHI. Rinn mi MLitt ann an Litreachas na Gàidhealtachd agus nan Eilean. Tha mi cuideachd nam Riochdaire For-cheum airson UHISA an-dràsta.
Mo thìde: Cho math ri bhith ag ionnsachadh pàirt-ùine, bidh mi ag obair làn-ùine aig Oilthigh Essex, far a bheil mi an-dràsta fo-fhastaichte mar Mhanaidsear na Sgoil Ceumnachaidh. Tha e cuideachd a’ còrdadh rium a bhith a’ sgrìobhadh, a’ dèanamh agus a’ rianachadh ceòl, agus bidh mi cuideachd a’ ruith làrach-lìn no dhà airson caochladh phròiseactan cruthachail.
Mo mhiannan: Tha mi an dòchas gum bi fios agam mar as urrainn bith-beò a bhith agam a’ dèanamh rudan as toigh leam gu mòr. Tha e a’ còrdadh rium nach eil fhios agam dè an y-slighe a ghabhas mi leis an rannsachadh no na h-obraichean cruthachail agam.