Fàilte gu An Lìonra, an litir-naidheachd do dh’Oileanaich aig Oilthigh na Gàidhealtachd agus nan Eilean. Tha iris iomlan againn air a’ mhìos sa, a’ gabhail a-steach chothroman a bhith
a’ dol an sàs ann an comann oileanaich UHI; comhairle mu bhith soirbheachail nad chuid ionnsachaidh agus atharrachaidhean ri maoineachadh nan oileanach.
Tha sinn an dòchas gun còrd e ribh a bhith
a’ faighinn agus a’ leughadh An Lìonra agus cuimhnich, tha sinn an-còmhnaidh airson sgeulachdan ùra a chluinntinn às
a’ chom-pàirteachais air fad. Mar sin, carson nach cuir thu fios thugainn ma bhios tu airson rudeigin a cho-roinn le oileanaich UHI eile.
Tha taic ann dhut
Faodaidh an t-àm seo dhen bhliadhna a bhith doirbh do dh’oileanaich, gu sònraichte don fheadhainn a th’ air ùr thòiseachadh aig an oilthigh. Seo dhut ar molaidhean.
Gabh air do shochair is tu a’ faighinn cleachdte ri cùisean. Fàsaidh tu nas eòlaiche agus nas misneachaile rè na bliadhna.
Na gabh dragh mun chiad mheasadh agad.
Cuimhnich nach ann airson do mhealladh a tha measaidhean, is iad cothroman a bhith a’ taisbeanadh na dh’ionnsaich thu.
Aig an oilthigh, ionnsaichidh tu an dòigh nas neo-eisimeiliche.
Fàs cleachdte ri bhith a’ leughadh agus a’ gabhail nòtaichean ro gach clas, agus ag obair anns an leabharlann no an àite shàmhach aig an taigh.
Na feuch a bhith a’ cumail ort nad aonar.
Tha tòrr dhaoine aig UHI a th’ ann gus do chuideachadh. Bidh luchd-comhairleachaidh oileanach, luchd-oide agus luchd-obrach taice ionadail toilichte do chuideachadh. Tha àireamh de sheirbheisean ri faotainn dhut mar oileanach aig UHI:
• Bidh Ionad Dhreuchdan UHI a’ toirt seachad stiùireadh agus comhairle saor an asgaidh, gun lethbhreith; chan ann a-mhàin mu dhreuchdan ach cuideachd mu mar as urrainn dhut sgilean agus eòlas a thogail nad chùrsa làthaireach.
• Gheibh thu cuideachadh a thaobh sgilean ionnsachaidh a leasachadh leis a’ mhodal air-loidhne aig UHI Skills 4 Study agus duilleagan lìn nan sgilean ionnsachaidh.
• Tha am Putan Dearg a’ leigeil leat fios a chur thugainn mu rud sam bith a bhios a’ buntainn ris an àm anns am bi thu nad oileanach, 24/7.
Rach an sàs an UHISA
An naidheachd as ùire bhon Chomann oileanach agad fhèin
• Thèid clubaichean agus comainn ùra a chur air bhog air feadh UHI a dh’aithghearr. Ma bhios ùidh agad ann an dealbhan a thogail, streapadaireachd, teanas, snàmh, spòrs; anime/manga/geamaichean air-loidhne, cuir fios gu UHISA.
• Thèid Cruinneachadh/Comhairle UHISA a chumail air 3 & 4 Samhain an Inbhir Nis agus le co-labhairt bhideo. Tha fàilte ron a h-uile oileanach aig UHI a bhith an làthair.
• Tha Christa Eggenschwiler, a tha sa treas bliadhna den BA Gnothachas agus Stiùireadh, a’ sireadh oileanaich eadar-nàiseanta gus lìonra a chruthachadh. Cuir fios gu Christa an seo.
Airson barrachd fiosrachaidh mun seo, agus tuilleadh, tadhail air làrach-lìn UHISA.
Oifigear oileanach airson lìonra chuspairean an fhoghlaim ga dh’iarraidh
Cothrom Obrach: Oifigear oileanach airson lìonra chuspairean an fhoghlaim
Tha Comann Oileanaich Oilthigh na Gàidhealtachd agus nan Eilean (UHISA) airson Oifigear Oileanach Lìonra Chuspairean an Fhoghlaim (SNSO) a thrusadh. Faigh tuilleadh fiosrachaidh agus cuir iarrtas a-steach an seo.
Buannaiche farpais togail dhealbhan
Meal do naidheachd do Ridseard Shucksmith à Sealtainn, a chaidh ainmeachadh mar oileanach rannsachaidh na bliadhna aig UHI an 2007. Bhuannaich Ridseard na duais British Wildlife Photographer of the Year le dealbh a chaidh a thogail fon uisge le a dhealbh de mhuir-tiachd.
Breithneachadh air modal an oilthigh
Agus Oilthigh na Gàidhealtachd agus nan Eilean a’ cumail air a’ fàs, tha sinn a’ coimhead ri dòighean anns am faod sinn ar structar agus ar dòigh-obrachadh a leasachadh agus a neartachadh.
Bidh co-comhairlichean bho Capita Consulting
a’ coinneachadh ri riochdairean oileanach sna beagan seachdainean ri tighinn mar phàirt den bhreithneachadh seo. Ma bhios ceistean agus/no molaidhean agad mun bhreithneachadh, cuir fios gu Helen Baird, mas e do thoil e.
Cìsean oideachaidh do dh’oileanaich às a’ chòrr den RA 2012/13
Tha Oilthigh na Gàidhealtachd agus nan Eilean air a chìsean do dh’oileanaich làn-ùine às a’ chòrr den RA a shocrachadh airson 2012/13. Pàighidh oileanaich £22,500 aig a’ char as motha airson ceum le urram a mhaireas ceithir bliadhna - £7,500 gach bliadhna airson trì bliadhna, leis a’ cheathramh bliadhna aca saor an asgaidh – rud as co-ionann ri £5,625 gach bliadhna.
Chaidh an t-atharrachadh ann an cìsean do dh’oileanaich às a’ chòrr den RA aontachadh mar thoradh air atharrachaidhean a thaobh maoineachadh oilthighean a thugadh a-steach le Riaghaltas na RA airson 2012/13 agus ’s e an t-amas a th’ ann àitean oilthigh a dhìon do dh’oileanaich Albannach. Buinidh seo do dh’oileanaich ùra a’ tòiseachadh ann an 2012/13 agus chan ann do dh’oileanaich làthaireach a th’ air tòiseachadh air UHI mar-thà. Faigh tuilleadh fiosrachaidh mu chìsean agus maoineachadh.
Cleachdadh neo-àbhaisteach suaicheantas UHI
Ciad inneal reic a chaidh a chur air bhog o chionn ghoirid aig Colaiste Mhoireibh UHI.
Mum dheidhinn: Tha mi 27 bliadhna a dh’aois agus ’s ann às an Eilbheis a tha mi o thus. Bha mi nam oileanach ron seo, agus chuir mi romham mo threas bliadhna a dhèanamh aig Colaiste Inbhir Nis UHI leis gu bheil mi an-dràsta ag obair mar mhanaidsear thachartasan agus rianadair airson Institiud nan Nàiseanan Aonaichte airson Treànadh agus Rannsachadh ann am Farrais. Tha ùidh mhòr agam ann an eadar-dhealachaidhean cultarach agus cànanan ùra.
Mo UHI: Is e seo a’ chiad theirm agam aig UHI agus ’s e an rud a tha math mu dheidhinn dhomhsa gun urrainn dhomh ionnsachadh aig an taigh gun a bhith nam shuidhe an seòmar-clas leis gu bheil e a’ leigeil leam eòlas-obrach luachmhor fhaighinn airson na dreuchd agam.
Mo thìde: Mar as trice bidh mi a’ dèanamh mo chuid ionnsachaidh agus a’ leughadh leabhraichean agus tha mi cuideachd dealasach a bhith a’ cruthachadh Lìonra Eadar-nàiseanta do UHISA agus a bhith a’ frithealadh seiseanan mothachaidh sa h-uile àite agus tha mi a’ dèanamh fiùghair ri bhith a’ coinneachadh ri daoine.
Mo mhiannan: Tha mi airson gun cuir mi ri co-ionannachd an t-saoghail agus gum bi e comasach dhomh coimhead air ais nuair a bhios mi sean agus a ràdh gun do chuir mi ri mathas an t-sluaigh.
An naidheachd as ùire
Abairt na mìos
"We don't get a chance to do that many things, and everyone should be really excellent. Because this is our life." - Steve Jobs
Tachartasan agus trèanadh
TEFL: Beurla a theagasg thall thairis
Thèid cùrsaichean trèanaidh a chumail an Inbhir Nis air 5-6 Samhain agus 4-5 Gearran. Tuilleadh fiosrachaidh.
Faigh fiosrachadh mu na cothroman as ùire mar ghreis gnìomhachais do cheumnaichean agus cùrsaichean trèanaidh le bhith a’ tadhail air duilleag Facebook an Ionaid Dhreuchdan. Cliog ‘Like’ an seo.
Seirbheisean nan oileanach
Am Putan Dearg
“Is e inneal conaltraidh math a th’ann do dh’oileanaich, le freagairtean fiosrachail is luath” - oileanach aig UHI.
Cuir fios thugainn leis A’ Phutan Dhearg.
Cuideachadh le Harvard
Tha iùil eadar-obrachail air-loidhne air ainmeachadh thobraichean a-nis ri faotainn air làrach-lìn UHI. Feuch an seo i.
Comhairlichean do dh’oileanaich ùra
Tha lìonra comhairleachaidh nan oileanach UHI a’ ceangal oileanaich ùra le oileanaich eile a bhios a’ co-roinn an cuid eòlais leat. Tuilleadh an seo no cuir fios gu Kevin.
Naidheachdan eile
Luchd-ceannachd dìomhair gan iarraidh
Tha Retaileyes ag iarraidh oileanaich eadar 18 agus 20 bliadhna a dh’aois a bhios nan luchd-ceannachd dìomhair - thèid do phàigheadh a bhith a’ dèanamh rudan a tha a’ còrdadh riut! Tuilleadh fiosrachaidh an seo.
Cliog ‘like’ air an duilleag Facebook aig e-Placement Scotland gus do chothrom fhaighinn iPad a bhuannachadh. Feuch an seo e.
Thathas ag iarraidh thagraichean bho oileanaich a tha airson pàirt a ghabhail sa phrògram Study China. Tuilleadh fiosrachaidh.
Is e a th’ann an Interconnect an lìonra do bhoireannaich a tha a’ dèanamh saidheans, innleadaireachd, teicneòlas agus an àrainneachd a chaidh a thogail an Alba. Dèan ceanglaichean le oileanaich eile, boireannaich le teisteanasan agus fastaichean. Gabh pàirt an Interconnect.
Airson spòrs ùr fheuchainn?
Tha Sgioba Ultimate Frisbee Inbhir Pheofharain ag iarraidh buill ùra. Tha an club a’ tighinn còmhla gach Didòmhnaich aig Ionad Spòrs Inbhir Pheofharain. Cuir fios gu Luke airson barrachd fiosrachaidh neo tadhal air an duilleag ‘Dingwall Frisbee Club’ air Facebook.
Tha An Equality Network ag obair gu dlùth ri Inclusion Scotland agus Glasgow Disability Alliance air a’ phròiseict Out to Access. Is e amas na pròiseict leasachadh a thoirt air solarachadh sheirbheisean do dhaoine ciorramach LGBT. Tha iad an-dràsta ag iarraidh daoine a bhios ag innse nan sgeulachdan aca. Cuir fios gu James ma tha rudeigin agad ri ràdh.
Àite-fuirich an Cill Targhlain
Chalet le dà sheòmar-cadail ann an àite dhùthchail, shamhach, Inbhir Nis 11 mìltean, A’ Mhanachainn 3 mìltean. Fòn 01463 741447 airson barrachd fiosrachaidh.
Tha thu a' faighinn a' phuist-d seo leis gur e oileanach Oilthigh na Gàidhealtachd agus nan Eilean a th'annad. Nam b'fheàrr leat gun a bhith a'faighinn a'phuist-d seo, thoir d'ainm far na liosta.