Þúsundir tóku þátt í æskulýðsdeginum
Þúsundir unglinga um allt land tóku þátt í æskulýðsdegi þjóðkirkjunnar, lögðu sitt af mörkum í fjölbreyttu helgihaldi æskulýðsdagsins og létu gott af sér leiða með ýmsum hætti. Á kirkjan.is er hægt að lesa frásagnir af æskulýðsdeginum og skoða myndir.
Efst Fastan hefst með öskudegi
Langafasta hefst með öskudegi. Nú eru fjörutíu virkir dagar til páska. Þeir minna á dagana fjörutíu er Jesús fastaði í eyðimörkinni. Fastan er samstaða til að minnast og minna sérstaklega á þau á meðal okkar sem halloka fara. Hún minnir okkur á að koma til hjálpar þar sem vegið er að fólki og standa af einurð vörð um réttindi þess og manngildi. Á kirkjan.is og trú.is er að finna mikið efni sem getur nýst okkur á föstunni.
Efst
Vinsamlegast slökkvið ekki á farsímum
Margmiðunarguðsþjónustan Bænarý var haldin í Digraneskirkju að kvöldi æskulýðsdagsins. Þar mættust helgihald þjóðkirkjunnar og nýjasta margmiðlunartækni. Kirkjugestir voru hvattir til að slökkva ekki á farsímunum sínum og taka myndir. Á kirkjan.is er sagt frá Bænarý sem guðsþjónustu, tæknimessu og tónlistarupplifun.
Efst
Leysa 75 börn úr skuldaánauð
Á fulltrúaráðsfundi Hjálparstarfs kirkjunnar 5. mars afhenti Ármann Gunnarsson fyrir hönd Æskulýðssambands Þjóðkirkjunnar 374.000 krónur til stuðnings verkefni Hjálparstarfsins á Indlandi þar sem börn eru leyst úr skuldaánauð í samstarfi við mannréttindasamtökin Social Action Movement.
Efst
Hvernig vígslubiskup þurfum við?
Sjónvarp kirkjunnar hitti prestana fimm sem hafa gefið kost á sér í kjöri til vígslubiskups í Skálholti og spurði þá hvers konar vígslubiskup við þurfum í Skálholti. Hægt er að horfa á svörin á vefnum.
Efst |
Þekkir þú einhvern sem hefði gaman af Víðförla? Hvernig væri að 
Ef þú vilt ekki fá skeytin getur þú