2021 - Ní raibh éinne ag súil go dtósódh sí mar seo!

Tá muid ag seoladh beannachtaí na bliana nua chugaibh ar fad agus fios againn go bhfuil múinteoirí, tuismitheoirí, caomhnóirí agus ar ndóigh daltaí faoi bhrú an Eanáir seo. Tá babhta dianghlasála eile curtha i bhfeidhm, na scoileanna dúnta agus cianfhoghlaim agus an teicneolaíocht arís chun tosaigh.

Is tréimhse dhúshlánach í agus de bharr seo, beidh Gaeloideachas ag bailiú eolais agus acmhainní le cur ar líne chun cabhrú le múinteoirí, daltaí scoile, tuismitheoirí agus caomhnóirí ag obair ón mbaile.

Seo thíos cúpla focal misnigh ó Uachtarán Gaeloideachas Seán Ó hArgáin chuig múinteoirí na mbunscoileanna Gaeltachta & LánGhaeilge :

Uachtarán Gaeloideachas - Seán Ó hArgáin

An Chéad Seimineár Ar Líne 2021 ó Gaeloideachas do Mhúinteoirí Bunscoile

An Luath-thumoideachas i Ré na Cianfhoghlama: Moltaí Praiticiúla ó Cheithre Scoil Éagsúla.

Dáta: Luan 25 Eanáir Am: 4i.n.

Tá Gaeloideachas thar a bheith sásta go bhfuil ceathrar múinteoirí naíonán sásta a gcuid ama a roinnt go flaithiúil agus iarnóin a chaitheamh linn i mbun plé. Siad na múinteoirí:

Áine Ní Chróinín (Scoil Uí Ghramhnaigh, Ráth Chairn), Póla Ní Chinnsealaigh (Gaelscoil Ruairí, Maigh Nuad), Siobhán Ní Mhaoileoin (Scoil Sailearna, Cois Fharraige) agus Tríona Ní Uallacháin (Gaelscoil Uí Ríordáin, Baile an Chollaigh).

Cathaoirleach: Bláthnaid ní Ghréacháin, Gaeloideachas.

Le linn an tseimineáir, déanfaidh na múinteoirí machnamh ar a dtaithí go dtí seo ar an gcianteagasc le naíonáin bheaga agus naíonáin mhóra. Roinnfidh siad moltaí ar na dea-chleachtais is éifeachtaí a fheictear dóibh a oireann do theaghlaigh lán-Ghaeilge agus do theaghlaigh nach bhfuil an Ghaeilge mar phríomhtheanga acu.

I measc na n-ábhar atá le plé tá:

Gníomhaíochtaí sealbhaithe teanga spraíúla thar an idirlíon
Áiseanna múinteoireachta atá ar fáil i ngnáth-theach
Luathléitheoireacht faoi dhianghlasáil
Ag obair le teaghlaigh chun luaththumoideachas a chur ar fáil sa bhaile
Áiseanna ar líne chun tacú leis an luaththumoideachas

Beidh an cheardlann seo ábhartha do chuile phríomhoide agus múinteoir atá ag obair i mbunscoileanna lán-Ghaeilge nó Gaeltachta, go mór mhór iadsan a mhúineann naíonáin bheaga agus mhóra.

Is féidir clárú don seimineár thíos:

An Luath-thumoideachas i Ré na Cianfhoghlama: Moltaí Praiticiúla ó Cheithre Scoil Éagsúla.

agus

Fógra - Sraith Seimineár Gaeloideachas

Tá áthas ar Gaeloideachas a fhógairt go mbeidh an tsraith sheimineár a cuireadh tús leí i 2020 ag leanúint ar aghaidh sna seachtainí romhainn agus dírithe ar:

An Bhunleibhéal
An Iar-bhunleibhéal
RSO

Bígí ag faire amach ar www.gaeloideachas.ie, ar ár Meáin Shóisialta agus ar ár Nuachtlitreacha don eolas ar fad!

Acmhainní Mata ar www.gaeloideachas.ie

Téigh isteach ar shuíomh Gaeloideachas chun réimse acmhainní a aimsiú a chuideoidh libh i rith na dianghlasála seo. Sa nasc thíos faoi Acmhainní Eile clúdaítear

Mata an Bhunleibhéil – Gluais Nua
Seimineáir Mata Gaeloideachas
Acmhainní Mata ó Cúla 4
Acmhainní Mata ón tÁisaonad Scéalta, Cluichí, Amhráin & Rainn
Acmhainní ón Chomhairle Náisiúnta Um Oideachas Speisialta (NCSE)

Acmhainní Mata - Gaeloideachas.ie

Cruinniú Ginearálta Bliantúil 2021

Beidh Cruinniú Ginearálta Bliantúil Gaeloideachas 2021 ar bun ar an Déardaoin 11 Feabhra ón 17.00-18.00. De bharr srianta Covid 19 is ar líne a eagrófar an cruinniú.

Na príomhnithe a bheidh ar an gclár don CGB ná:

Tuairiscí ar Obair agus Airgeadas na hEagraíochta
Ceapadh Bord Stiúrtha Nua
Rúin an Chruinnithe Ghinearálta Bhliantúil
Conclúid agus Aon Ghnó Eile

Má ta suim agat freastal ar an gcruinniú, beidh ort clárú roimh 12in ar an 9 Feabhra. Is féidir clárú ag an nasc thíos. Is fiú go mór freastal ar an gcruinniú le heolas a chur ar an réimse oibre atá ar bun ag Gaeloideachas le bliain. B'fhéidir go spreagfaí thú le páirt a ghlacadh inár gcuid oibre leis na scoileanna Gaeltachta & LánGhaeilge agus/nó bheith i do bhall den Bhord Stiúrtha.

Tá fáilte roimh gach duine freastal ar an gcruinniú ach ní bheidh cead vótála ach ag ionadaithe ó scoileanna a bhfuil balllraíocht acu leis an eagraíocht.

Cruinniú Ginearálta Bliantúil

Cúla4 ar Scoil Ar Ais!

Cuireadh tús inné le sraith nua de Cúla4 ar Scoil ar TG4. Tá sraith nua den chlár á craoladh de bharr cinneadh an Rialtais go bhfanfaidh gach bunscoil dúnta faoi shrianta Covid-19 go bhfógrófar a mhalairt.

Craolfar an tsraith ón Luan go Déardaoin ag 10am agus beidh athchraoladh den chlár gach lá ag 4pm.

Clúdófar croí-ábhair an churaclaim ar nós: Gaeilge, Matamatic, Stair agus Tíreolaíocht, ach cuirfear béim freisin ar an gcruthaitheacht, an eolaíocht, na healaíona béil agus ar chúrsaí sláinte agus folláine. Beidh deis ag leanaí páirt a ghlacadh sa chlár ón mbaile agus iarrfar orthu pictiúir nó físeáin dá gcuid oibre a sheoladh isteach chuig an gclár. Beidh ceachtanna agus míreanna ón gclár ar fáil ar YouTube Cúla4 agus na cláracha ar fáil ar shuíomh Cula4.com.

Seo réimse acmhainn arlíne do bhunscoileanna curtha ar fáil ag peig.ie

Peig.ie