Ngā Hui Tuku Mōhiohio Tūmatanui

Kei te hīkaka katoa mātau ki te whakaputa i ngā whakamārama i ngā hui tūmatanui hei te Poutūterangi. Me haere mai ki tētahi o ēnei hui:

10 Pou – Tāmaki Nui a Rua (Dannevirke RSA, 1 Princess Street, Tāmaki Nui a Rua, 4.00pm ki te 6.30pm)

11 Pou – Raukawa (Ashhurst Village Valley Centre, Winchester St, Raukawa, 4.00pm ki te 7.00pm)

12 Pou – Te Papaioea (Hancock Community House, 77-85 King Street, Te Papaioea, 4.00pm ki te 6.30pm)

17 Pou – Pahīatua (Pahīatua Town Hall, kokonga o Main St me Kiwi St, Pahīatua, 4.00pm ki te 6.30pm)

18 Pou – Woodville (Te Ahu a Turanga Marae, Tay Street, Woodville, 4.00pm ki te 7.00pm)

Ka kite i a koe i Field Days!

Kei te whakaaturia anō e mātau ngā kōrero whakamārama mō te kaupapa ki te hunga ka tae atu ki te Central District Field Days i Aorangi mai i te 19 ki te 21 o Poutūterangi. Ko te tūmanako ka kite i a koe i reira!

He aha kei roto i te oneone

Neke atu i te hautoru o ngā mahi tirotiro i te whenua kua oti i mātau i te rori e whakatikahia ana.

He mahi nui tēnei kia mārama ai ki ngā āhuatanga o te oneone me ngā toka e mōhio ai he aha ngā tikanga tōtika mō te mahi karikari, whakakīkī hoki e hiahiatia ana hei hanga i te huanui matua.

I tēnei wā e toru ngā mīhini mātai whenua kei te whakahaerehia, e wiri haere ana mai i te 10 ki te 70 mita te hōhonu. Neke atu i te 500m ngā mahi wiri kua oti i tēnei wā, me ngā rua aromātai 43 ki tētahi hōhonu atu ki te 4m. Ka tātari ngā rua e aromātaitia ana i ngā matū e tata ana ki te mata o te whenua kia mōhio ai he ana ngā mea ka taea te whakamahi anō, te whakakore rānei i roto i ngā mahi waihanga.

Pānui Whakaritenga me ngā whakaaetanga

Kei te haere tonu ngā mahi ki te whakatau i ngā pīra ki te Pānui Whakaritenga mō te tautapatanga o ngā ara ikiiki me te whakaoti anō i ngā tono whakaaetanga rawa. E whakaritea kia oti te tautapatanga me te whakaaetanga i mua i te tīmatatanga o ngā mahi waihanga.

Te hoahoa me ngā mahi waihanga

I roto i ngā marama e ono kua hipa kua oti i te rōpū hoahoa te waihanga i te hoahoa ariā, ā, kei te mahi tahi me te rōpū waihanga ki te whakatutuki i te hōtaka hangahanga.

Kei roto i te hoahoa ariā me te hōtaka ngā kōrero mō te āhua o te waihanga i te huanui matua, kei hea e mahia ana, te wā, ā, ka pēhea te whakarite haere i ngā mahi karikari me te hanga piriti, me te āhua o te whakahaere i te taiao e pae ana.

I te mōhio anō koe?:

• 40 ngā karawata nui kei roto i tēnei mahi, ā, he 10m ki te 180m te rahi me te whānui

• Neke atu i te 5.5 miriona mita pūrua ngā oneone e hiahiatia ana

• E iwa ngā repo tātari wai marangai nui ka hangaia i roto i tēnei mahi

• Ko ngā momo oneone matua i roto i ngā mahi ko te tokoparu, toka māhurehure me te onehunga

• Neke atu i te 300m te awhe o te piriti hou e rere ana i runga ake o te awa o Manawatū

• I tēnei wā 10 ngā tohunga rauropi kei te mahi i roto i tēnei kaupapa ki te whakatutuki i ngā aromatawai i te awa me te whaitua noho hei tautoko i te tono whakaaetanga rawa e heke iho.

He mōhiohio anō

Mō ētahi atu mōhiohio mō te ara whakakapi o te Āpiti o Manawatū SH3, whakapā mai ki teahuaturanga@nzta.govt.nz

Haere ki tā mātau paetukutuku i www.nzta.govt.nz/teahuaturanga