Girls with Hi-Vis

Mō te tau tuarua, i tū tā mātou kaupapa o Girls with Hi-Vis i te marama o Hune, otirā he tokomaha te hunga i tae ake i ngā kura tuarua e whā o te rohe.

I tēnei tau i miramiratia a Kahlen Flexman, he wahine taiohi awenui i whai wāhi hei ākonga i tā mātou kaupapa o te tau 2022, a, mai i taua wā kua hono mai ki te rōpū ā-rohe a Fulton Hogan, hei ika tauhou.

I tae ake a Kahlen ki te kaupapa i tērā tau ki "te whakangā mai i te kura", ā, i hihiritia ia ki te hono ake ki te rāngai mahi nei. He tino rawe ki a ia tana mahi i te tari huarahi waka.

Ka taunaki te kōrero mō Kahlen i te pūtake o ngā mahi nei, ki te whakaawe i ngā wāhine taiohi me te whakaū anō i te manaakitanga ki te tangata kei roto i tō mātou rāngai mahi, me ngā arawātea maha ki te whai wheako me te ako i ngā mahi huhua o te ao tūāhanga. He nui ngā tūāhanga hei hanga, hei tiaki hoki i roto o Aotearoa nā ngā huarere kino, nā, he nui ngā arawātea kia whai wāhi ake, me te whakaputa hua.

Ngā mahi tūhono i a Cambridge Road

E tāria ana ngā mahinga nunui, tukua mai ō taipitopito ki info@takitimunorthlink.co.nz kia whiwhi ai koe i ngā kōrero hou.

He aha ngā mahi kei te wāhi mahi?

Kua tārewatia ngā mahi tūkarikari i te Riu o Wairoa mō te kaupeka tūkarikari i muri nei, ka tīmata ā te Ōketopa o tēnei tau. He nui ngā wero nā te huarere ki te tira mahi i te tau ka hipa, nā, e aro ana mātou ki ngā mahi kāore i whirinaki ki te huarere, nā reira e taea ana e mātou te whakatutuki.

Ngā hanganga

I tēnei wā e hangaia ana ngā arawhiti e rima o te waru e hiahiatia ana. Ka oti hei te mutunga o te 2023 ngā Arawhiti o Cambridge Road, o Wairoa Road me Minden Road. Kia oti ana ngā arawhiti, kātahi ka tūhonotia ki ngā huarahi me ngā ratonga. E hiahiatia ana te rurukutanga o ngā mahi i waenga i ngā rōpū hanganga maha, ngā ratonga, ngā wāra, me ngā rōpū tūkarikari.

Wāra wai

I te wā o te hanganga, ko te wāra i te wai te whakaihuwaka matahuna kia rite mai te huarahi, ko te tikanga o tēnei, me kounga te mahi whakamahere me te hanganga kia haumaru tonu ai te huarahi hei hautūtanga ahakoa ngā huarere kino. Ka tīmata te whakauru wāra i tēnei wāhanga o te kaupapa. I tēnei wā e kōkiri ana te rōpū i te wāhanga hoahoa āmiki, ā, kua tīmata ngā mahi whakauru i ngā tereina hopu wai me ngā pokorua tomo mō Cambridge Road me ngā mahi tūhono i a Wairoa Road. Kua tata oti a Harrison Road, ā, e haere tonu ana ngā mahi i huri noa i te tūhonotanga o te arawhiti.

Ngā karawata

Ko te karawata, he wāhanga waiwai o te pūnaha wāra, he hanganga raima nunui e tāwaka ana i te wai mai i ngā huarahi, ki roto i ngā arawai. I runga i te Kaupapa o te Ara o Takitimu ki te Raki, 19 ngā karawata e hangaia ana, e tāutatia ana hoki. Ko te mea iti rawa he rima mita te roa, he 600mm te whānui, ko te mea nui rawa he 99 mita te roa, he 2 mita te whānui! Ka tīmata te hanga i ngā karawata hou ā ngā marama e tū mai nei.

TATAURANGA

Ngā rataonga

• Pokorua tomo    316
• Wāra                10900m
• Hopu Wai          122
• Ngā pātū taha    27

Ngā hanganga

• Wāra Wiki                        403,000Lm o te 600,000Lm e hiahiatia ana
• Pou Tūāpapa                     Kua titia te 5,600m i te 8,200m e hiahiatia ana
• Paepae Hangarewa            Kua uru te 51 o te 187 e hiahiatia ana
• Raima kua oti                   4,300m3
• MGB Maitai Hanganga       1,400T maitai

Te Rangituanehu

E haere tonu ana te titi pou tūāpapa ki Rangituanehu mō te arawhiti, otirā e whakaurua ana ngā maitai poutoko mō te paepae.

Arawhiti o Wairoa Road

Kua tīmata te titi i ngā pou.

Whakaputaina ō whakaaro mō te Wāhanga Tuarua o Te Ara o Takitimu ki te Raki

Ka taea e koe te kite i ngā mahere hukihuki mō te Wāhanga Tuarua o te Ara o Takitimu ki te Raki i Tauranga me ngā whakawhiti kōrero tūmatanui mai i te 3 o Hūrae ki te 4 o Ākuhata, e tohu ana i tētahi kokenga whakamua nui ki te tiaki i tēnei ara, me te whakawhānui i te Ara Matua 2 ki Ōmokoroa. E rikarika ana ki te rongo i ō whakaaro ki ngā mahere nei.

Whāia te whakawhiti kōrero tūmatanui, e matapae ana te tuku i ngā whakaaetanga rawa taiao ki te Kaunihera o Ngā Kuri a Whārei ki Ōtamarākau hei te wāhanga tuarua o 2023. 

Ka taea e koe te tiro i ngā rauemi tuihono me te whakaputa i ō whakaaro i mua o te Paraire te 4 o Ākuhata 2023 ki nzta.govt.nz/takitimunorth

Mō ētahi atu kōrero

Pānui haere, ā, ka hono mai k ētahi kōrero hou mō te kaupapa ki nzta.govt.nz/takitimunorth

E hoahoa ana, e hanga ana hoki ngā kaikirimana a Fulton Hogan/HEB Mahi Tūhono i te kaupapa nei, otirā ko BBO ngā kaitohutohu a te tira. Ko te mahi hoahoa o Te Ara o Takitimu ki te Raki he mea tuku nā Beca, i te taha o Holmes Consultancy LImited Partnership hei mātanga iti.

Waea ki 0800 865 776
Īmēra info@takitimunorthlink.co.nz
Paetukutuku nzta.govt.nz/takitimunorth