| View online |
|
 |
Ngā Pitopito Kōrero |
|
 |
22 Hiringa-ā-nuku 2024 |
|
|
Tēnā koutou, ā, nau mai anō ki ngā whakamārama mō Te Huarahi Matua o Manawatū-Tararua – te ara 11.5km te roa hei hono anō i a Manawatū, te Takiwā o Tararua, Te Matau-a-Māui me te raki o Te Wairarapa, e whakakapi ana i te Huanui Matua 3 o Te Āpiti o Manawatū kua kati nei. |
|
 |
||
|
I te mea kua mau katoa ngā kurupae 42 o te Eco-Viaduct Bridge ināianei, kua tīmata ngā mahi o te papa o te piriti (i raro). He tau nui mō te hangatanga i mua o Te Ahu a Turanga: Te Huanui o Manawatū-TararuaI muri i tētahi whakatā poto i te wā o te Kirihimete me Te Tauhou, he pai te anga whakamua o te rōpū o Te Ahu a Turanga: Te Huarahi Matua o Manawatū-Tararua i tēnei tau 2024. He maha ngā tohu nui i taea i te tau 2023 i roto i te kaupapa, tae atu ki te 6 miriona mita pūrua (m3) oneone i nekehia, te whakamau i te form traveller tuatahi ki te Piriti o Parahaki, te tipu māori 1 miriona i whakatōngia me te whakamau i ngā kurupae 42 katoa ki te Eco-Viaduct Bridge. Mai i te Hānuere o tēnei tau, he nui tonu ngā mahi kua oti i te kaupapa, ā, ko tētahi mea hira ko te otinga o ngā mahi kari whenua nunui. Tata ki te 6.4M m3 oneone kua nekehia, ā, tata ki te 100,000 m3 atu anō ka nekehia i tēnei raumati. Nā te otinga o ngā mahi kari whenua nunui kua aro ināianei ki te whakaoti i ngā mahi kari manga me te tīmata ki te hanga i te mata o te rori (ara). Tata ki te 5km o te 9km o ngā manga kua whakaurua atu, ā, tata ki te 12km o te 35km o ngā manga ara kua whakaurua atu. Kua whakaurua mai hoki ngā paipa ITC, hei wāhi whakatakoto i ngā waea whakawhitiwhiti, i te taha o te Ara Mō te Katoa, e rere ana tēnei i te taha o te rori. Ka taea te whakatakoto ngā kōpenu raima ināianei mō te mata o te rori ki te huarahi matua tata ki te 6.5km o te 11.5km, ā, kua whakatūria ngā wāhi putunga kōpenu raima ki waenga me te taha rāwhiti o te wāhi kia itiiti noa te haere o ngā taraka ki ngā rori e pae ana. I te Piriti o Parahaki, kua putua ngā wāhanga raima 11 o te 27, nō reira kua tata te hono atu o te papa o te piriti mai i te pātū pupuri o te tonga ki te poutoko 1. Ko te tikanga ka oti ngā wāhanga 27 katoa hei te paunga o te 2024. I te piriti Eco-Viaduct, 224 ngā papa kua whakamaua, ā, tata ki te 100 atu anō ka whakamaua i te marama o Maehe. Ko te tikanga ka oti te piriti hei te hauwhā whakamutunga o te 2024. Tata ki te 1.3M ngā tipu māori kua whakatōngia i tēnei wā, ā, ka tīmata anō ngā mahi horanuku hei te marama o Mei. Ko te whai a te rōpū kia 500,000 ngā tipu ka whakatōngia hei te Oketopa. I kī te kaikōrero o te kaupapa a Grant Kauri ahakoa te whakamīharo o ngā whakatutukitanga hangatanga, arā anō ētahi atu āhuatanga o te kaupapa he tino hira anō. "E ngākau whakahī ana ahau ki te taumata tiketike o te kaupapa e pā ana ki te hononga ā-iwi, te hauora me te oranga, me ngā putanga whānui. Koinei ngā āhuatanga e tino pūmau ai ngā tuku ihotanga ka mahue mai i muri i te tuwheratanga o te huarahi matua. "Ka mihi hoki ahau ki te iwi whānui mō ā rātau tautoko me te ngākaunui mai ki tēnei kaupapa. E rikarika ana mātau ki te tuku kōrero atu anō mō te anga whakamua o tēnei hononga hira o Te Ika-a-Māui ki a koe puta noa i te tau." I raro: Kei te pai te haere o ngā mahi i te Piriti o Parahaki, i te Awa o Manawatū, kua whakamaua te form traveller ki te poutoko 1 me te 2 kia pai ai te hanga i te papa o te piriti. Kua oti te Karinga 13, te karinga nui rawa o te kaupapa, 2.2 miriona m3 oneone kua nekehia. Kua tīmata ngā mahi hanga i te mata o te rori (ara) ināianei. |
|
 |
 |
 |
||
|
Ko Matt, Helen me Mya Mataki ngā reanga e toru o tētahi whānau e mahi ana i Te Ahu a Turanga: Te Huarahi Matua o Manawatū-Tararua. Ka whakakotahitia e Project Alliance ngā reanga e toru o te whānauMō tētahi o ngā kaipūkaha tino hou rawa o te kaupapa, he rite tonu ki āhua o te kāinga te haere mai ki te mahi. Ko Mya Mātaki – i whakauru mai ki te kaupapa i te tau 2023 hei kaipūkaha raukura e mahi ana mā HEB – te mea tamariki o ngā reanga e toru o tōna whānau e mahi ana i te kaupapa. Kei te mahi tōna matua kēkē, a Matt mātaki, hei kaikirimana i roto i ngā mahi manga me ngā ara. I tīmata kē a Matt i Alliance e mahi ana mā Goodmans i tētahi tūranga kaiārahi me te whanaketanga, engari kei mahi kē ia mā tētahi pakihi o te rohe ināianei, a Graham Civil Contractors. Ko te kuia o Mya, a Helen mātaki, tētahi o ngā kaimahi o te kaupapa, e whakakanohi ana ia i a Ngāti Raukawa me Ngāti Kauwhata i roto i te hononga iwi o te kaupapa, Te Pūtahi. I uru mai a Helen ki te rōpū i te tau 2021. Ko te kōrero a Mya he tino hira mōna he whānau tōna kei te mahi i te kaupapa nei. "He rawe tonu te haere mai ka kite i a Nan i ia ata, ka awhiawhi me te inu tiakarete wera. Me te aha, he rawe hoki te kōrero ki a Matua Matt mō ngā mahi pūhanga." I pakeke mai ia i Feilding, ā, ka haere a Mya ki te ako pūhanga i te Tāmaki Makaurau. I whakauru mai ia ki HEB i te Hānuere i roto i tā rātau kaupapa raukura, i mahi ia i roto i te rōpū Heb Tendering Team i Tāmaki Makaurau kātahi ka whakawhiti mai ki Te Ahu a Turanga. I roto i te rōpū mahi manga, kei te mahi a Mya i ngā wāhi maha, tae atu ki te hanga i tētahi ara hipa mō ngā ika me te raima pāiri. I kī a Helen nā tēnei arawātea i tino hoki mai ai a Mya ki te kāinga. "He mea hirahira kei konei a Mya, te kitekite i a ia i te mea kua whitu tau ia e ngaro ana, nō reira he tino whakamānawatanga kei konei ia." Tākaro poro ai a Mya mō te Kapa Wāhine o Aotearoa (Paddleferns); ā, i roto ia i te kapa i Ngā Whakataetae ā-Kiwa i Heretaunga i te tau 2023. |
|
 |
||
|
Kei te kōrero ngā mema o te rōpū mahi o Te Ahu a Tūranga ki ngā ākonga o Bunnythorpe mō te mātauranga rauropi me te kaitiakitanga. Kei te tuku mōhio ngā kaimahi o te kaupapa ki ngā taiohi o te roheKei te whiwhi mōhio ngā ākonga o ngā kura i Tararua me Manawatū mō te mahi tahi a te mātauranga Māori me te mātauranga tauiwi i Te Ahu a Turanga. I kōrero te Kaitiaki a James Kendrick me te Tohunga Rauropi a Caitlin Lavery mō te kaitiakitanga me te mātauranga rauropi ki ngā ākonga, ngā kaimahi me ngā mātua i ngā huihuinga i Te Kura o Kumeroa, pātata ki Woodville, me Te Kura o Bunnythorpe, pātata ki Te Papaioea, i te Noema o tērā tau. I roto i tā rāua kauhau i Te Kura o Kumeroa i kōrero a Caitlin mō ētahi o ngā tipu me ngā kararehe e noho pātata ana ki te kaupapa, ā, i kōrero a James mō tētahi o ngā taonga. I te haerenga atu ki Bunnythorpe, i haere anō te Rangatira/Kaiwhakahaere o Legends Xcavations a Brado Roberts, me ngā kaimahi o ngā rōpū Kaitiaki, Rauropi me te Taiao i te taha o Caitlin rāua ko James. He āhua ōrite anō te aronga a te rōpū ki tētahi haerenga atu o mua ki Te Kura o Ashhurst; te hanga i tētahi pā tuna, me ngā tuna anō, i te papa tākaro o te kura. I hangaia tētahi pā tuna hei whakaatu mā te rōpū i tā rātau mahi tiaki i te taiao o te kaupapa. I aua haerenga e rua, i tukuna e te rōpū Kaiwhakahaere Ara Kōrero ki te Iwi o te kaupapa ngā mōhiohio mō te kaupapa ki te hapori kura whānui, ka mutu i kite hoki rātau i te ataata arorangi hou rawa mō ngā mahi o te kaupapa me te mīhini whakataruna Taraiwa i te Huarahi Matua i te Pokapū Manuhiri Nekeneke. I tua atu i ngā mahi i Ashhurst, i ngā kura o Kumeroa me Bunnythorpe, i toro anō te kaupapa ki Te Kura o Whakarongo, Te Kura o Ruahine, Te Kura Takawaenga o Ross, Te Kāreti o Hato Pāora, Te Kura o Woodville, Tū Toa, Mana Tamariki, Manukura, Christian Cornerstone School me Te Kura o Aokautere. Kua whakaritea ētahi haere anō ki ngā kura mō te tau 2024. I raro: Kei te tirotiro ngā ākonga o Te Kura o Kumeroa i te mīhini whakataruna Taraiwa i te Huarahi Matua i roto i te Pokapū Manuhiri Nekeneke i te wā tuku mōhiohio i tō rātau kura. |
|
 |
 |
||
|
Kei te rēhita ngā tāngata mō te taiopenga Hīkoi i te Huarahi Matua i te taha ki Woodville o te kaupapa. E hia tini tāngata i hīkoi i te huarahi matua ki te kohi i te $40,000 mā te haporiE hia tini tāngata i āta tirotiro i te anga whakamua o ngā mahi i Te Ahu a Tūranga i te taiopenga Hīkoi i te Huarahi Matua i te Rātapu, 21 o Hānuere. He kaupapa mahi moni te hīkoi nā Woodville Lions me Te Kura o Woodville, ā, nā rātau i whakarite, i whakahaere, i whakatairanga hoki i te taiopenga, me ngā tautoko hoki a ngā kaimahi o te kaupapa.
Ko te hīkoi i tēnei tau, te mea tuawhā mai i te whakapuakitanga o te kaupapa, koinei te mea nui rawa atu, ā, i tere pau ngā tīkiti, ka mutu neke atu i te 1500 ngā tāngata i whakauru mai. Tata ki te $40,000 te pūtea i kohia, ā, e hoki katoa ai ngā pūtea ki te hapori. Ahakoa te wera o taua rā, ā, i kōpatapata noa i ētahi wā, me te mania o ētahi wāhanga o te rori, i hari te nuinga o ngā kaihīkoi ki te kite i te tino whānui o te kaupapa. Ko te mea rerekē o te hīkoi o tēnei tau mai i ētahi atu tau kua mutu kē te nuinga o ngā mahi kari whenua, i māmā ai te hīkoi, ā, kāore he pukepuke hei piki pērā i ngā hīkoi o mua. Tata ki te $40,000 i kohia e te Woodville Lions me Te Kura o Woodville, ā, i hoki katoa ērā pūtea ki te hapori. I raro: Ngā kaihīkoi i te taha ki Woodville o Te Ahu a Turanga. |
|
 |
 |
||
|
I whakaurua atu he tōtō whakaatu wā i te wāhi mahi i te Piriti o ParahakiKa kite pea ngā reanga o anamata i te āhua o te hangatanga o Te Ahu a Tūranga mā tētahi tōtō whakaatu wā i whakaurua atu ki te pātū pupuri o te Piriti o Parahaki. I whakapirihia atu te puoto maitai kotahi mita ki te maitai whakakaha i roto o te pātū pupuri i te Wenerei 31 o Hānuere, i mua o te putunga o te raima whakamutunga ki te poraka nui i te ata o muri mai. I te mea 711 m3 te raima kei te karapoti i te tōtō, e kore pea e tūhuratia mō ngā tau maha, engari ka tāpirihia tētahi tohu iti ki te pātū pupuri hei whakaatu i tōna wāhi mō ngā reanga o anamata. Ko ētahi o ngā taonga o roto he: kākahu me te PPE mai i ngā kamupene e mahi ana i te wāhi, he kape o ngā kōiwi moa i kitea i te wāhi, ngā mapi, ngā pānui, ngā mahere, ngā tātuhinga, tētahi hoe paku i whakairohia hei whakaatu i ngā uara o te kaupapa, ngā nūpepa, ngā kapa me ngā ingoa o ngā kaimahi katoa o te kaupapa i whakatauhia. I roto anō i te tōtō whakaatu wā ko tētahi reta i tuhia ki te hunga ka huaki, e whakamārama ana i te take i hangaia ai Te Ahu a Turanga me te tuku kōrero mō ētahi o ngā take nui o tō tātau wā. |
|
|
Ētahi atu kōrero |
|
|
Mō ētahi atu mōhiohio, me whakamahi ko tētahi o ēnei āhuatanga e whai ake:
|
|
|
||||||||||||||||
|
