ਇਹ ਨਿਊਜ਼ਲੈਟਰ ਹੁਣ ਇਸ ਵਿੱਚ ਉਪਲਬਧ ਹੈ: English, Arabic (العربية), Burmese (မြန်မာဘာသာ), Dari (دری), Punjabi (ਪੰਜਾਬੀ), Simplified Chinese (中文普通话), Vietnamese (Tiếng Việt)! ਇੱਥੇ ਸਾਡੀ ਵੈਬਸਾਈਟ ਤੇ GenV ਖ਼ਬਰਾਂ ਦੇਖੋ।

ਸਾਡੇ ਵਿਗਿਆਨਕ ਨਿਰਦੇਸ਼ਕ ਵਲੋਂ ਸੁਨੇਹਾ 

GenV ਵੱਲੋਂ ਸਰਦੀਆਂ ਦੀ ਨਿੱਘੀ ਨਮਸਤੇ! ਇਸ GenV ਨਿਊਜ਼ ਵਿੱਚ, ਤੁਹਾਨੂੰ ਸਰਵੇਖਣ ਦੇ ਨਤੀਜਿਆਂ 'ਤੇ ਇੱਕ ਝਾਤ ਮਿਲੇਗੀ, ਤੁਸੀਂ ਬੱਚਿਆਂ ਲਈ ਭੋਜਨ 'ਤੇ ਇੱਕ ਨਵੇਂ 'ਫੋਕਸ' ਸਰਵੇਖਣ ਬਾਰੇ ਸੁਣੋਗੇ, ਜਾਣੋਗੇ ਕਿ ਤੁਸੀਂ ਸੁਣਨ ਸ਼ਕਤੀ ਵਿੱਚ ਕਮੀ ਨੂੰ ਸਮਝਣ ਵਿੱਚ ਕਿਵੇਂ ਮਦਦ ਕਰ ਰਹੇ ਹੋ, ਅਤੇ ਹੋਰ ਵੀ ਬਹੁਤ ਕੁਝ ਮਿਲੇਗਾ। 

ਪਰ ਪਹਿਲਾਂ: ਹਰ ਬੱਚਾ ਆਪਣੇ ਤਰੀਕੇ ਨਾਲ ਵਧਦਾ ਹੈ। ਤੁਸੀਂ ਸ਼ਾਇਦ ਪਹਿਲਾਂ ਹੀ ਵੱਡੀਆਂ ਤਬਦੀਲੀਆਂ ਦੇਖੀਆਂ ਹੋਣਗੀਆਂ - ਤੁਹਾਡਾ ਬੱਚਾ ਕਿਵੇਂ ਹਿੱਲਦਾ ਹੈ, ਬੋਲਦਾ ਹੈ, ਸਿੱਖਦਾ ਹੈ, ਖੇਡਦਾ ਹੈ ਅਤੇ ਭਾਵਨਾਵਾਂ ਨਾਲ ਨਜਿੱਠਦਾ ਹੈ। ਕਦਮ-ਦਰ-ਕਦਮ, ਇਹ ਧਾਗੇ ਇਕੱਠੇ ਹੋ ਕੇ 2020 ਦੇ ਦਹਾਕੇ ਦੇ ਅਖੀਰ ਤੱਕ 'ਸਕੂਲ ਲਈ ਤਿਆਰ' ਹੋਣ ਵਿੱਚ ਉਹਨਾਂ ਦੀ ਮਦਦ ਕਰਦੇ ਹਨ।

GenV ਵੀ ਵੱਧ ਰਿਹਾ ਹੈ। ਤੁਹਾਡੇ ਸਰਵੇਖਣ, ਤੁਹਾਡੇ ਨਮੂਨੇ, ਲਿੰਕ ਕੀਤਾ ਗਿਆ ਡੇਟਾ, ਭਾਗੀਦਾਰ ਅਧਿਐਨ, ਅਤੇ ਇਹਨਾਂ ਸਭ ਨੂੰ ਸਟੋਰ ਕਰਨ ਅਤੇ ਵਰਤਣ ਲਈ ਇੱਕ ਸੁਰੱਖਿਅਤ ਜਗ੍ਹਾ – ਇਹ ਸਭ GenV ਦੇ ਧਾਗੇ ਹਨ। 2020 ਦੇ ਦਹਾਕੇ ਦੇ ਅਖੀਰ ਤੱਕ, ਉਹ ਖੋਜ ਅਤੇ ਕਾਰਵਾਈ ਲਈ ਇੱਕ ਸ਼ਕਤੀਸ਼ਾਲੀ ਸਰੋਤ ਬਣ ਜਾਣਗੇ। ਬਚਪਨ ਵਾਂਗ, ਇਸ ਵਿੱਚ ਸਮਾਂ ਲੱਗਦਾ ਹੈ, ਅਤੇ ਹਰ ਹਿੱਸਾ ਮਾਇਨੇ ਰੱਖਦਾ ਹੈ। ਅਸੀਂ ਭਵਿੱਖ ਦੇ ਨਿਊਜ਼ਲੈਟਰਾਂ ਵਿੱਚ ਹੋਰ ਜਾਣਕਾਰੀ ਸਾਂਝੀ ਕਰਾਂਗੇ। 

ਸਾਨੂੰ ਇਸ ਸਾਲ ਦੇ ਸ਼ੁਰੂ ਵਿੱਚ GenV ਮਾਂ ਸਾਦਾ ਅਤੇ ਉਸਦੀ ਧੀ ਮਾਇਆ (ਉਮਰ 2) ਨਾਲ Herald Sun ਵਿੱਚ ਦਰਸਾਏ ਜਾਣ 'ਤੇ ਬਹੁਤ ਖੁਸ਼ੀ ਹੋਈ।  ਅਸੀਂ ਹਾਲ ਹੀ ਵਿੱਚ ਵੀ ਉਨ੍ਹਾਂ ਨਾਲ ਮੁਲਾਕਾਤ ਕੀਤੀ। ਇਹ ਸੁਣ ਕੇ ਬਹੁਤ ਖੁਸ਼ੀ ਹੁੰਦੀ ਹੈ ਕਿ ਤੁਹਾਡੇ ਛੋਟੇ ਬੱਚੇ ਕਿਵੇਂ ਵਧ ਰਹੇ ਹਨ, ਮਾਪਿਆਂ ਵਜੋਂ ਤੁਹਾਡੇ ਲਈ ਕੀ ਮਾਇਨੇ ਰੱਖਦਾ ਹੈ, ਅਤੇ ਤੁਹਾਡੇ GenV ਅਨੁਭਵ ਕਿਹੋ ਜਿਹੇ ਰਹੇ ਹਨ। ਤੁਸੀਂ ਸਾਦਾ ਦੀ ਗੱਲ ਇੱਥੇ ਸੁਣ ਸਕਦੇ ਹੋ।  

ਅਤੇ ਕੁਝ ਵੱਡੇ ਮੀਲ ਪੱਥਰ: GenV ਪਰਿਵਾਰਾਂ ਨੇ ਹੁਣ 100,000 ਤੋਂ ਵੱਧ GenV ਅਤੇ Me ਸਰਵੇਖਣ ਪੂਰੇ ਕਰ ਲਏ ਹਨ ਅਤੇ ਲਗਭਗ 10,000 ਬੱਚਿਆਂ ਦੇ ਟੱਟੀ ਦੇ ਨਮੂਨੇ ਦਿੱਤੇ ਹਨ। ਬਹੁਤ-ਬਹੁਤ ਧੰਨਵਾਦ! ਹਰ ਕਿਸੇ ਦਾ GenV ਸਫ਼ਰ ਵੱਖਰਾ ਹੈ, ਅਤੇ ਪਰਿਵਾਰ ਰੁੱਝੇ ਹੁੰਦੇ ਹਨ - ਅਸੀਂ ਤੁਹਾਡੇ ਵੱਲੋਂ ਕੀਤੀ ਹਰ GenV ਗਤੀਵਿਧੀ ਦੀ ਕਦਰ ਕਰਦੇ ਹਾਂ। ਕੋਈ ਸਰਵੇਖਣ ਖੁੰਝ ਗਿਆ ਹੈ? ਕੋਈ ਗੱਲ ਨਹੀਂ - ਤੁਸੀਂ ਹਮੇਸ਼ਾ ਅਗਲਾ ਸਰਵੇਖਣ ਪੂਰਾ ਕਰ ਸਕਦੇ ਹੋ।

ਸਾਨੂੰ ਇਸ ਗੱਲ ਦੀ ਵੀ ਖੁਸ਼ੀ ਹੈ ਕਿ ਪਹਿਲਾ GenV ਅਤੇ Me ਸਰਵੇਖਣ ਹੁਣ ਉਨ੍ਹਾਂ ਪਰਿਵਾਰਾਂ ਲਈ ਉਪਲਬਧ ਹੈ ਜੋ 2020 ਦੇ ਅਖੀਰ ਅਤੇ 2021 ਦੇ ਸ਼ੁਰੂ ਵਿੱਚ ਸ਼ਾਮਲ ਹੋਏ ਸਨ। ਇਸ ਵਿੱਚ ਸਾਡੀ ਉਮੀਦ ਨਾਲੋਂ ਜ਼ਿਆਦਾ ਸਮਾਂ ਲੱਗਿਆ, ਪਰ ਅਸੀਂ ਤੁਹਾਡੇ ਤੋਂ ਸੁਣਨਾ ਸ਼ੁਰੂ ਕਰਨ ਲਈ ਉਤਸ਼ਾਹਿਤ ਹਾਂ। 

ਸ਼ੁਭ ਕਾਮਨਾਵਾਂ ਦੇ ਨਾਲ,
ਪ੍ਰੋਫੈਸਰ ਮੇਲਿਸਾ ਵੇਕ (Melissa Wake) - GenV ਵਿਗਿਆਨਕ ਨਿਰਦੇਸ਼ਕ

GenV ਭਾਗੀਦਾਰ ਸਲਾਹਕਾਰ ਪੈਨਲ - GenV ਦੇ ਭਵਿੱਖ ਨੂੰ ਆਕਾਰ ਦੇਣ ਵਿੱਚ ਸਾਡੀ ਮਦਦ ਕਰੋ - ਆਪਣੀ ਭਾਸ਼ਾ ਵਿੱਚ!

ਅਸੀਂ ਸਾਡੇ GenV ਭਾਗੀਦਾਰ ਸਲਾਹਕਾਰੀ ਪੈਨਲ ਵਿੱਚ ਸ਼ਾਮਲ ਹੋਣ ਲਈ [ਪੰਜਾਬੀ] ਬੋਲਣ ਵਾਲੇ ਮਾਪਿਆਂ ਦੀ ਭਾਲ ਕਰ ਰਹੇ ਹਾਂ। ਇਹ ਪੈਨਲ ਤੁਹਾਨੂੰ ਇਹ ਦੱਸਣ ਦਾ ਮੌਕਾ ਦਿੰਦਾ ਹੈ ਕਿ ਅਸੀਂ ਕੀ ਵਧੀਆ ਕਰ ਰਹੇ ਹਾਂ, ਅਸੀਂ ਕੀ ਬਿਹਤਰ ਕਰ ਸਕਦੇ ਹਾਂ, ਅਤੇ ਸਾਨੂੰ GenV ਕਿਵੇਂ ਚਲਾਉਣਾ ਚਾਹੀਦਾ ਹੈ।

GenV ਅਤੇ Me: ਜੋ ਤੁਸੀਂ ਸਾਨੂੰ ਦੱਸਿਆ…

GenV ਮਾਪਿਆਂ ਨੇ 100,000 ਤੋਂ ਵੱਧ About You ਸਰਵੇਖਣ ਭਰੇ ਹਨ। ਕਿੰਨੀ ਵੱਡੀ ਪ੍ਰਾਪਤੀ!

ਕੁਝ ਮਾਪਿਆਂ ਨੇ ਸਾਨੂੰ ਦੱਸਿਆ ਕਿ ਸਾਡੇ ਫੀਡਿੰਗ ਸੰਬੰਧੀ ਸਵਾਲ ਉਨ੍ਹਾਂ ਦੇ ਤਜ਼ਰਬਿਆਂ ਨੂੰ ਨਹੀਂ ਦਰਸਾਉਂਦੇ, ਇਸ ਲਈ ਅਸੀਂ ਉਨ੍ਹਾਂ ਨੂੰ ਬਦਲ ਦਿੱਤਾ। ਅਸੀਂ ਮਾਪਿਆਂ ਦੀ ਸਾਰੀ ਫੀਡਬੈਕ ਦੀ ਸਮੀਖਿਆ ਕਰਦੇ ਹਾਂ – ਸਾਨੂੰ ਦੱਸਦੇ ਰਹੋ ਕਿ ਅਸੀਂ ਕਿਵੇਂ ਬਿਹਤਰ ਕਰ ਸਕਦੇ ਹਾਂ।   

ਕੀ ਤੁਸੀਂ ਸਾਨੂੰ ਹੁਣ ਆਪਣੇ ਬੱਚੇ ਦੇ ਪੋਸ਼ਣ ਬਾਰੇ ਦੱਸਣਾ ਚਾਹੁੰਦੇ ਹੋ?
ਅਸੀਂ ਹੁਣੇ ਹੀ ਇੱਕ ਵਾਰ ਕੀਤਾ ਜਾਣ ਵਾਲਾ 'ਫੋਕਸ' ਸਰਵੇਖਣ ਭੇਜਿਆ ਹੈ - ਵੇਰਵਿਆਂ ਲਈ ਹੇਠਾਂ ਦੇਖੋ।

ਸ਼ਿਸ਼ੂ ਅਤੇ ਬੱਚੇ ਦਾ ਭੋਜਨ ਸਰਵੇਖਣ

ਭੋਜਨ ਸਾਡੀ ਜ਼ਿੰਦਗੀ ਦਾ ਇੱਕ ਮਹੱਤਵਪੂਰਨ ਹਿੱਸਾ ਹੈ। ਸਾਡੀਆਂ ਸੁਪਰਮਾਰਕੀਟਾਂ ਸ਼ਿਸ਼ੂਆਂ ਅਤੇ ਛੋਟੇ ਬੱਚਿਆਂ ਲਈ ਬਹੁਤ ਸਾਰੇ ਤਿਆਰ ਭੋਜਨ ਵੇਚਦੀਆਂ ਹਨ – ਜਿਵੇਂ ਕਿ ਪਾਊਚ ਅਤੇ ਸਨੈਕਸ। ਅਸੀਂ ਇਨ੍ਹਾਂ ਭੋਜਨਾਂ ਨਾਲ ਰਹੇ ਤੁਹਾਡੇ ਅਨੁਭਵ ਸੁਣਨਾ ਚਾਹੁੰਦੇ ਹਾਂ।

ਅਸੀਂ ਹਾਲ ਹੀ ਵਿੱਚ ਤੁਹਾਨੂੰ ਜਾਂ ਤੁਹਾਡੇ ਬੱਚੇ ਦੇ ਦੂਜੇ ਮਾਤਾ/ਪਿਤਾ ਨੂੰ ਇੱਕ ਛੋਟਾ ਜਿਹਾ 'ਫੋਕਸ' ਸਰਵੇਖਣ ਭੇਜਿਆ ਸੀ। ਇਸਦਾ ਨਾਮ 'ਤੁਹਾਡੇ ਬੱਚੇ ਦੇ ਭੋਜਨ ਬਾਰੇ' ਹੈ, ਅਤੇ ਇਹ ਆਮ GenV ਅਤੇ Me ਸਰਵੇਖਣ ਤੋਂ ਵੱਖਰਾ ਹੈ। ਜੇਕਰ ਤੁਸੀਂ ਇਹ ਪਹਿਲਾਂ ਹੀ ਕਰ ਚੁੱਕੇ ਹੋ ਤਾਂ ਧੰਨਵਾਦ। ਜੇ ਨਹੀਂ - ਅਸੀਂ ਉਮੀਦ ਕਰਦੇ ਹਾਂ ਕਿ ਤੁਸੀਂ ਇਸਦੇ ਲਈ ਸਮਾਂ ਕੱਢ ਸਕੋਗੇ। 

ਇਹ ਇਹਨਾਂ ਭੋਜਨਾਂ ਨੂੰ ਬਣਾਉਣ ਅਤੇ ਵੇਚਣ ਦੇ ਨਵੇਂ ਨਿਯਮ ਬਣਾਉਣ ਬਾਰੇ ਜਾਣਕਾਰੀ ਦੇਣ ਵਿੱਚ ਮਦਦ ਕਰ ਸਕਦਾ ਹੈ। 

ਸੁਣਨ ਦੇ ਅੰਕੜਿਆਂ ਤੋਂ ਸਿੱਖਣਾ

ਕੀ ਤੁਹਾਨੂੰ ਆਪਣੇ ਬੱਚੇ ਦੀ ਸੁਣਨ ਸ਼ਕਤੀ ਦੀ ਜਾਂਚ ਬਾਰੇ ਕੁਝ ਯਾਦ ਹੈ ਜਦੋਂ ਉਹ ਛੋਟਾ ਸੀ?  

ਵਿਕਟੋਰੀਅਨ ਇਨਫੈਂਟ ਹੀਅਰਿੰਗ ਸਕ੍ਰੀਨਿੰਗ ਪ੍ਰੋਗਰਾਮ (VIHSP), 98% ਬੱਚਿਆਂ ਦੀ ਜਨਮ ਤੋਂ ਤੁਰੰਤ ਬਾਅਦ ਜਾਂਚ ਕਰਦਾ ਹੈ। GenV ਨੇ VIHSP ਦੇ ਰਿਕਾਰਡਾਂ ਨਾਲ ਕਨੈਕਟ ਕੀਤਾ ਹੈ।  ਉਨ੍ਹਾਂ ਕੋਲ ਸੁਣਨ-ਸ਼ਕਤੀ ਸਬੰਧੀ ਜੋਖਮ ਕਾਰਕਾਂ ਅਤੇ ਜਾਂਚਾਂ ਤੋਂ ਨਤੀਜਿਆਂ ਵਰਗੀ ਜਾਣਕਾਰੀ ਹੈ।  ਜਦੋਂ GenV ਡੇਟਾ ਅਤੇ ਨਮੂਨਿਆਂ ਨਾਲ ਜੋੜਿਆ ਜਾਂਦਾ ਹੈ, ਤਾਂ ਖੋਜਕਰਤਾ ਸੁਣਨ-ਸ਼ਕਤੀ ਦੇ ਨੁਕਸਾਨ ਨੂੰ ਬਿਹਤਰ ਢੰਗ ਨਾਲ ਸਮਝ ਸਕਦੇ ਹਨ।

ਸਿਬਲਿੰਗ (ਭੈਣ-ਭਰਾ) ਸਰਵੇਖਣ ਲਾਈਵ ਹੋ ਗਏ ਹਨ! 

ਕੀ ਤੁਸੀਂ ਜਾਣਦੇ ਹੋ ਕਿ GenV ਵਿੱਚ 900 ਤੋਂ ਵੱਧ ਪਰਿਵਾਰਾਂ ਦੇ ਇੱਕ ਤੋਂ ਵੱਧ ਬੱਚੇ ਹਨ?
ਸਾਡੇ ਸਿਸਟਮ ਨੂੰ ਦੋ ਜਾਂ ਵੱਧ ਬੱਚਿਆਂ ਲਈ ਤਿਆਰ ਹੋਣ ਵਿੱਚ ਥੋੜ੍ਹਾ ਸਮਾਂ ਲੱਗਿਆ ਹੈ। ਹੁਣ ਅਸੀਂ ਹਰੇਕ ਬੱਚੇ ਲਈ ਅਤੇ ਤੁਹਾਡੇ ਲਈ ਸਰਵੇਖਣ ਭੇਜ ਸਕਦੇ ਹਾਂ। ਕੀ 4 ਅਕਤੂਬਰ 2021 ਅਤੇ 3 ਅਕਤੂਬਰ 2023 ਦੇ ਵਿਚਕਾਰ ਤੁਹਾਡਾ ਕੋਈ ਹੋਰ ਬੱਚਾ ਪੈਦਾ ਹੋਇਆ ਹੈ - ਜੋ GenV ਵਿੱਚ ਨਹੀਂ ਹੈ?

ਸੁਆਲ ਜਾਂ ਫੀਡਬੈਕ ਹੈ? ਤੁਹਾਡੇ ਸੰਪਰਕ ਵੇਰਵੇ ਬਦਲ ਗਏ ਹਨ? ਕਿਰਪਾ ਕਰਕੇ ਇਸ ਤੇ GenV ਟੀਮ ਨਾਲ ਸੰਪਰਕ ਕਰੋ:

GenV ਦੀ ਅਗਵਾਈ Murdoch Children’s Research Institute (MCRI) ਵੱਲੋਂ ਕੀਤੀ ਜਾਂਦੀ ਹੈ, ਇਸ ਨੂੰ ਦਿ ਰੋਇਲ ਚਿਲਡਰਨਜ਼ ਹਸਪਤਾਲ (Royal Children’s Hospital) ਅਤੇ ਦਿ ਯੂਨੀਵਰਸਿਟੀ ਆਫ਼ ਮੈਲਬੌਰਨ (The University of Melbourne) ਦਾ ਸਮਰਥਨ ਪ੍ਰਾਪਤ ਹੈ, ਅਤੇ ਪੌਲ ਰਾਮਸੇ ਫਾਊਂਡੇਸ਼ਨ (Paul Ramsay Foundation), ਵਿਕਟੋਰੀਅਨ ਸਰਕਾਰ (Victorian Government), ਦਿ ਰਾਇਲ ਚਿਲਡਰਨਜ਼ ਹਸਪਤਾਲ ਫਾਊਂਡੇਸ਼ਨ (The Royal Children’s Hospital Foundation), ਨੈਸ਼ਨਲ ਹੈਲਥ ਐਂਡ ਮੈਡੀਕਲ ਰਿਸਰਚ ਕੌਂਸਲ (National Health and Medical Research Council) ਅਤੇ ਮੈਡੀਕਲ ਰਿਸਰਚ ਫਿਊਚਰ ਫੰਡ (Medical Research Future Fund) ਤੋਂ ਪੈਸਾ ਮਿਲਦਾ ਹੈ।