| View online |
|
 |
Ngā Pitopito Kōrero |
|
 |
26 Hiringa-ā-nuku 2023 |
|
|
Tēnā koutou, ā, nau mai anō ki ngā whakamārama mō Te Huarahi Matua o Manawatū-Tararua – te ara 11.5km te roa hei hono anō i a Manawatū, te Takiwā o Tararua, Te Matau-a-Māui me te raki o Te Wairarapa, e whakakapi ana i te Huanui Matua 3 o Te Āpiti o Manawatū kua kati nei. |
|
 |
||
|
Kua uru te Kaiwhakahaere Karinga a Clare Miller, mauī, rāua ko te Paetahi Kaitohutohu Taiao a Oriwa Curtis ki ngā whiringa toa o te National Association of Women in Construction Awards. Kua whakaingoatia ngā kaimahi o te kaupapa ki ngā whiringa toa o ngā tohu hangatangaE rua ngā kaimahi o te Hononga o Te Ahu a Turanga: Te Huarahi Matua o Manawatū-Tararua kua whakaingoatia ki ngā whiringa toa i te 2023 National Association of Women in Construction Awards. Kua whakaingoatia te Kaiwhakahaere Karinga a Clare Miller o Te Ahu a Tūranga rāua ko te Paetahi Kaitohutohu Taiao a Oriwa Curtis ki ngā whiringa toa, i te wāhanga Te Hiranga o te Hautūtanga me te wāhanga Ākonga. Huihui katoa, 61 ngā wāhine puta noa i te motu i whakaingoatia ki ngā whiringa toa mai i ngā kōharinga neke atu i te 230. Ko tā ngā tohu ā-motu he whakanui i ngā wāhine mahi i roto i te rāngai hangatanga, ā, ko ngā rōpū mai i ngā paetahi me ngā pia tae atu ki ngā rangatahi e ara ake ana me ngā kaihautū o te ahumahi. Mahi ai a Clare rāua ko Oriwa mā te Alliance hei kaimahi mā Goodman's Contractors. Ka tū ngā hui tuku tohu i Ōtautahi hei te 21 o Hūrae. |
|
 |
||
|
Ngā kaimahi horanuku e whakatipu ana i ngā mauwha māori i te Whakakī 9. Neke atu i te 400,000 ngā mauwha māori ka whakatipuriaKua tīmata ngā kaimahi horanuku i te Te Ahu a Turanga: Te Huarahi Matua o Manawatū-Tararua i tētahi mahinga nunui o te whakatipu i ngā tipu māori 420,000 i ngā marama e ono e whai ake. Inā kua uru atu ki te ngahuru, kua tīmata te wāhanga mahi horanuku tuatoru a te kaupapa. I tēnei wāhanga ko te tuatahi o ngā mahi whakatipu i te huarahi matua tonu. I aro kē ngā wāhanga o mua ki te whakatipu i wāhi kē, engari i tēnei tau 220,000 ngā tipu māori ka whakatipuria i te taha i ngā wāhi kua oti ngā mahi karikari whenua. Tāpiri ki tēnei, 60,000 ngā tipu ka whakatipuria e ngā kaimahi i ngā kōawa kua nekehia, ā, 20,000 ngā tipu i ngā wāhi whakatautika mai i ngā wāhanga o mua. Tata ki te 120,000 ngā tipu ka whakatipuria hoki i tētahi wāhi he pāmu i mua e pātata ana ki Ashhurst. Ka whakakapi ēnei tipu i ngā rākau nō whenua kē, i whakawāteahia ēnei i te raumati. I te wā e whakatipu ana ko tētahi wāhanga nui o ngā kaimahi horanuku ko te patu kīrea. He mahi hira tēnei mō te whakarite ka ora pai ngā wāhi ka whakatipuria, i te mea ka tūkinohia pea ngā tipu hou e ngā kīrea i mua i te pakari o te tipu. He nui ngā mahi a ngā kaimahi ki te patu haere i ngā kīrea neke atu i te 1000 (ko ngā rāpeti, hea, paihamu hoki te nuinga) mai i ngā wāhi kua whakatipuria e mātau i ngā wāhanga e rua kua hipa me te whakarite ka matomato te tipu. Kei roto i ngā rōpū horanuku me te patu kīrea o Te Ahu a Tūranga ko ngā rōpū nō ngā whakahaere a ngā iwi o Te Ao Tūroa (Rangitane o Manawatū) me Ngā Manu Taiao (Ngāti Kahungunu ki Tāmaki nui-a-Rua). Hei te mutunga o tēnei wāhanga, neke atu i te 1.1 miriona ngā tipu ka rumakina ki te whenua, ā, ko te tūmanako he tata ki te 2 miriona ka whakatipuria i te otinga o te kaupapa hei te 2025. I raro: Ko ētahi o ngā tipu kua whakatipuria kētia i tētahi o ngā wāhi whakatautika e rima. |
|
 |
 |
||
|
Kua mau ngā kurupae tuatahi i te Eco-Viaduct, e kitea ana mai i te pātū pupuri piriti. Kei te whakamaua ngā kurupae maitai i te piriti o Eco-ViaductKei te hangaia haeretia te piriti o Eco-Viaduct i Te Ahu a Turanga: Te Huarahi Matua o Manawatū-Tararua i muri i te kawenga atu me te whakamaunga o ana kurupae tuatahi. Kua whakamaua ngā kurupae piriti 22 o te 42 ināianei, ā, ka tae atu te toenga i ēnei marama e whā nei. He mea hanga ngā kurupae, kei waenga i te 34 me te 47 mita te roa, e Eastbridge i Ahuriri i mua i te kawe atu mā runga taraka ki tētahi wāhi o Te Ahu a Turanga. He mahinga nui te kawe atu i ngā kurupae nunui ki reira, mō te arā, te whakarite i te kawe mai, ka tahi, ka rua, kua rite kē ngā kurupae tuatahi kia kawea atu i muri tonu mai i te pānga mai o Huripari Garielle. Engari, i taea te tīmata anō te kawenga mai, ā, kāore i tino tōmuri nā te pai o ngā whakariterite me te mahi tahi i waenga i a Eastbridge, ngā kawe kamupene utanga, te rōpū o te piriti o Eco-Viaduct me te wāhanga Whakarite Here o Waka Kotahi. I te otinga, he 305 mita te roa o te piriti o Eco-Viaduct, ā, kei te taha uru o te wāhanga mahi, i runga ake o tētahi wāhi reporepo. He mea hanga te piriti kia iti te pānga waro o te huarahi matua i tēnei wāhi hauropi kanorau, ā, ka hono atu ki tētahi ara mō te katoa e taea ai e te tangata te hīkoi i raro i te piriti me te tirotiro haere i tētahi wāhi reporepo tino rerekē. I raro: Kua tae atu ngā kurupae tuatahi; he tirohanga o te haere o ngā mahi i te piriti mai i runga i te marama o Mei. |
|
 |
 |
 |
||
|
Neke atu i te 2.2 miriona mita pūrua o te oneone i nekehia mai i te Karinga 13. Kua oti te karinga nui rawa o te kaupapa mahiKua oti tonu te nuinga o ngā mahi karikari i te Karinga 13, te karinga nui rawa o Te Ahu a Turanga: Te Huarahi Matua o Manawatū-Tararua. Neke atu i te 2.2 miriona mita ngā oneone i nekehia atu mai i te Karinga 13 mai i te tīmatanga o te hangatanga 2021, ā, neke atu i te hautoru o ngā oneone 6 miriona mita pūrua o te kaupapa. Ko ngā oneone ka kawea atu mai i tēnei wāhi i whakamahia puta noa i te kaupapa, tae atu ki te Whakakī 9, te whakakī nui rawa o te wāhi mahi. Kei raro paku i te 60 mita te tāroa, ka kitea te Karinga 13 mai i Ashhurst me te takiwā e pae ana. E whā ngā pae o te karinga kei te taha raki, ā, e toru kei te taha rāwhiti, e whakaurua atu ana ināianei me te whāriki whakahaere horo, ka mutu me te tōrehu ki te kākano otaota tipu tere. Kei te pai hoki te anga whakamua o ngā mahi karikari whenua puta noa i te nuinga atu o te wāhi mahi, ā, e tino aro ana ki ngā wāhanga o te Rohe 3 me te 4. Ko te karinga nui rawa kei te toe ko te Karinga 25 i te Rohe 4, ā, he tata ki te 150,000 mita pūrua oneone kua nekehia, ā, tata ki te 300,000 mita pūrua kei te toe. Ka taea e koe te tirotiro te āhua o ngā mahi mā te tirotiro i te whakaaturanga arorangi kei te whārangi a Te Ahu a Tūranga i te paetukutuku a Waka Kotahi: www.nzta.govt.nz/projects/te-ahu-a-turanga/ I raro: Ka nui te anga whakamua o ngā mahi i te Karinga 16 i waenga i te Rohe 2.5 me te Rohe 3, ā, tata ki te 15,000 mita pūrua oneone i nekehia mai i te 75,000 te nui. |
|
 |
 |
||
|
Kua tata te oti o te rori hou, kei te taha mauī i roto i te pikitia, i mua o te whakawhititanga o te ikiiki. Kua whakawhiti ki te rori mō ngā manuhiri ki te ara hīkoi o te ĀpitiĀ kō ake nei ka haere ngā manuhiri ki te ara hīkoi o Te Āpiti mā te rori hou. Kua tata te whakahohoro ake o ngā mahi hanga i te takāwhio o Te Ahu a Tūranga ki te taha o Ashhurst, kua tata te oti i te ohu mahi o te kaupapa ngā mahi i tētahi rori, e pātata ana ki te pūtahitanga o te Huarahi Matua 57 me te 3, me te tūnga waka o te Te Āpiti. Ā tōna wā ka uru ki te Western Gateway Park mā te rori, ā, kei te hangaia he rori hei whakakapi i te tūnga waka tawhito o Te Āpiti, ā, hei wāhi tīmatanga mō te hunga whakamahi i te ara o Te Āpiti. Ko ngā waka katoa e whakamahi ana i te Rori o Napier kia tae atu ai ki te tūnga waka wā poto ka whakawhitia ki te rori hou i te marama o Hune. I te mea ka whakawhitia tēnei i te pō, kāore he tino whakararutanga. |
|
 |
||
|
Pikitia a te kaipānui mō te pānui mō Te Ahu a TurangaTēnei ka mihi ki a Julie Davey mō te tuku mai i tēnei pikitia o te Whakakī 9 me te Karinga 13, i whakaahuatia mai i waho o Ashhurst. Mēnā e noho tata ana koe ki te wāhi mahi, ā, he pikitia āu ka hiahia koe kia uru mai ki tā mātau pānui, me tuku mai ki teahuaturanga@nzta.govt.nz |
|
|
Ētahi atu kōrero |
|
|
Mō ētahi atu mōhiohio, me whakamahi ko tētahi o ēnei āhuatanga e whai ake:
|
|
|
||||||||||||||||
|
