Skattspor ferðaþjónustunnar kynnt á fimmtudag

Skattspor ferðaþjónustunnar fyrir árið 2024 verður kynnt á morgunfundi fimmtudaginn 11. desember 2025. Fundurinn fer fram í Sjálfstæðissalnum við Austurvöll og hefst kl. 9.00.

Húsið opnar kl. 8.30. Boðið verður upp á morgunhressingu.

Flutt verða ávörp ásamt því að skýrsla sem Reykjavík Economics hefur unnið fyrir SAF verður kynnt. Þá fara fram umræður um skattspor ferðaþjónustunnar og hvert raunverulegt framlag greinarinnar er til samfélagsins.

Fram koma:

- Daði Már Kristófersson, fjármála- og efnahagsráðherra
- Magnús Á. Skúlason, framkvæmdastjóri Reykjavík Economics
- Sigríður Margrét Oddsdóttir, framkvæmdastjóri SA
- Steingrímur Birgisson, forstjóri Hölds - Bílaleigu Akureyrar
- Þóra Eggertsdóttir, framkvæmdastjóri fjármála Icelandia

Pétur Óskarsson, formaður SAF, stýrir fundinum og Jóhannes Þór Skúlason, framkvæmdastjóri SAF, leiðir umræður.

Samtök ferðaþjónustunnar og Samtök atvinnulífsins standa að fundinum.

Gott að móta stefnu – Verra að gleyma atvinnulífinu

Samtök atvinnulífsins telja að í ljósi innrásar Rússlands í Úkraínu og breytts öryggisumhverfis á undanförnum árum sé brýnna en nokkru sinni að íslensk stjórnvöld marki skýra sýn um forgangsröðun í öryggis- og varnarmálum. SA telja þó að hlutverk atvinnulífsins sé vanmetið í tillögunni.

Áformum um sameiningu HMS og Skipulagsstofnunar fagnað

SA hefur skilað umsögn um frumvarp um sameiningu Skipulagsstofnunar og HMS. Samtökin fagna einföldun stjórnsýslu, aukinni samlegð og fyrirhugaðri einni stafrænni lausn sem geti bætt skilvirkni í leyfisveitingum og þjónustu. Þá telja samtökin mikilvægt að sameiningin skili raunverulegri hagræðingu og að unnin verði fullnægjandi áhrifamat. Einnig er hvatt til samstarfs við einkaaðila við þróun stafrænnar þjónustu.

Grafið undan samkeppnishæfni

Samtök atvinnulífsins, SVÞ og Viðskiptaráð Íslands hafa skilað sameiginlegri umsögn um frumvarp til markaðssetningarlaga. Þar er tekið undir markmið um styrkari neytendavernd og skýrara regluverk, en jafnframt bent á að frumvarpið feli í sér óljós og íþyngjandi ákvæði sem geta grafið undan samkeppnishæfni íslenskra fyrirtækja og aukið reglubyrði. Þá er gerð alvarleg athugasemd við svokallaða „gullhúðun“ EES-reglna.

Fagna viðleitni til hagræðingar í rekstri ríkisins

„Samtökin fagna allri viðleitni hins opinbera til að hagræða í rekstri ríkisins og telja það gleðiefni að yfirvöld séu reiðubúin að ráðast í sameiningar stofnana líkt og fyrirliggjandi frumvarp ber vitni um. Sé vel að sameiningunni staðið getur hún aukið samlegð og hagkvæmni, dregið úr kostnaði og einfaldað stjórnsýslu við m.a. leyfisveitingar og upplýsingagjöf,“ segir í umsögn SA um áform um sameiningu Matvælastofnunar, Fiskistofu og Verðlagsstofu skiptaverðs.

Upptaka frá Umhverfisdegi atvinnulífsins aðgengileg á vef SA

Upptaka frá fjölmennum Umhverfisdegi atvinnulífsins er aðgengilega á vef SA. Fjöldi fólks úr atvinnulífi, stjórnmálum og stjórnsýslu tók þátt í umræðum um gagnsæi, kostnað og græna skatta.

Samfélagsmiðlar SA eru iðandi af lífi

Á Facebook, Instagram og LinkedIn geturðu fylgst með starfi Samtaka atvinnulífsins, viðburðum, skrifum og umsögnum. Nýtt efni á miðlunum er meðal annars fjöldi mynda frá Umhverfisdegi atvinnulífsins.

Öflugur útflutningur - Aukin lífsgæði

Skýrslan Öflugur útflutningur - Aukin lífsgæði er nú aðgengilega á vef SA. Var skýrslan gefin út í tengslum við Ársfund atvinnulífsins sem haldinn var í Hörpu 2. október síðastliðinn. Útgáfan er ríflega 150 síður og gefur mikilvæga innsýn í stöðu útflutnings og mikilvægis hans fyrir samfélagið í fortíð, nútíð og þá ekki síst framtíð.

Við erum alltaf á vaktinni

Samtök atvinnulífsins vinna markvisst að hagsmunagæslu í þágu atvinnulífsins og því að tryggja íslensku atvinnulífi samkeppnishæf starfsskilyrði - landsmönnum öllum til hagsbóta. Mikilvægur liður í þeirri vinnu er að vakta þingmál er varða félagsmenn og atvinnulífið í heild og berst SA jafnframt mikill fjöldi þingmála til umsagnar.

Síðustu umsagnir SA má lesa á heimasíðu SA.

Gott að vita