Kua tīmata ngā mahi karikari whenua nui - ngā upane hanganga tuatahi tuatahi mō te waihanga i Te Ahu a Turanga: Te Huarahi Matua o Manawatū-Tararua 11.5 km te roa me te Ara Kotahi.

Ka tīmata ngā mahi hanganga!

He tino nui ngā mahi i te tīmatanga o tēnei tau, inā kua tīmata te wāhanga mahi hanganga tuatahi.

Kua tīmataria e mātau ngā karikari whenua nui i te taha uru o te huarahi matua me te mahi haere tonu i te kuhunga ki te wāhi mahi i te taha rāwhiti me te taha uru o te wāhi mahi.

Kei te hangaia anō e mātau ngā whakaurunga kuhunga hei whakareri mō te hanga i ngā piriti 300 mita e rua o te kaupapa.

I te taha uru, kua whakatūhia ngā wharepaku tūmatanui mai i te tūnga waka tawhito o te āpiti o Manawatū ki te tūnga waka wā poto, ā, ka noho ki reira mō te roanga atu o te kaupapa.

Te Rori o Cook
Mēnā kua taraiwa koe i te Rori o Saddle inā tata nei i kite pea koe i ngā rōpū mahi rori i te pūtahitanga o te Rori o Cook. Ko te Rori o Cook tētahi o ngā kuhunga matua ki te wāhi hangatanga o te huarahi matua, ā, kei te whakahoutia i roto i tēnei kaupapa.

Kei roto i ngā mahi i te Rori o Cook ko ngā wāhi whakahipa waka me te whakawhānui i te pūtahitanga o ngā Rori o Cook me Saddle, hei Āwhina i te nui haere o ngā i te wā o ngā mahi.

Ka katia mō ake tonu atu te ara hipa o te Rori o Saddle e pātata ana ki te pūtahitanga o te Rori o Cook i te mutunga o Pepuere, ā, ka noho hei kuhunga mō ngā kainoho anake kia oti rā anō te huanui hei te Tīhema 2024.

Te Rori o Hope
I te taha rāwhiti o te wāhi mahi huarahi, ko te kuhunga matua kei te Rori o Hope, i Woodville. Kei roto i ngā mahi i konei ko te whakawhānui i te paetaha, ko te māka rārangi hou i te pūtahitanga me te Rori o Hope, me te takotoranga hou o te koki 90° o te Rori o Hope hei hanga i tētahi pūtahitanga tautuku.

Ka āwhina ēnei whakapaipai haumaru ki te wehewehe i ngā ikiiki hanganga motuhake mai i ētahi atu kaiwhakamahi rori i te wā hanga i te huarahi matua, ā, kia whānui ai te wāhi mō ngā waka nunui ki te huri. Ko te tikanga ka tīmata ēnei i te mutunga o Maehe.

Te Meterana grandiosa onge hei aruhe.

Kua nekehia te taupori pēpepe onge

I tūhuratia e tō mātau rōpū rauropi tētahi mea whakaongaonga i te pito o tērā tau – he taupori pēpepe tūturu onge, Meterana grandiosa, i roto i ngā māheuheu i te wāhi mahi huarahi.

I nekehia ngā pēpepe i te wāhanga aruhe i te mea kāore anō kia keri ki te whenua tūngoungou ai – nō reira he wā poto noa ki tō mātau rōpū rauropi ki te āta whakawātea mai i ngā aruhe mai i te ara o ngā mahi hanganga.

I āta nekehia ngā aruhe kia 500m te tawhiti ki tētahi wāhi uru mauwha, tae atu ki te Olearia virgata me te Olearia solandrii – taua momo anō i kitea – e nui ai te whai tipu.

Neke atu i te roanga atu o te kaupapa tata ki te rua miriona ngā tipu me ngā mauwha tūturu ka whakatipuria puta noa i te 46 heketea; 48 heketea te ngahere ka tiakina; 300 heketea ngahere kua rāhuitia ka whiwhi i ngā mahi patu kīrearea; me te 28km o ngā ara ka whakapaitia.

Ka taea e koe te tiro tētahi ataata poto mō tēnei tūhuratanga whakaongaonga me te nekenga kei te paetukutuku a Te Ahu a Turanga.

Ka kati te rori mō te tāhīra anō i te Rori o Saddle i ngā rā 16 i te Maehe me te Āperira.

Ngā katinga i te pō i te Rori o Saddle

Ahakoa ehara i roto i te kaupapa Te Ahu a Turanga, me mōhio koe ki ngā katinga e whai ake kua whakaritea mō te Rori o Saddle.

Ka whakahaeretia ngā mahi tāhīra anō i ngā wiki e toru (16 wiki) i te Rori o Saddle i te Maehe me te Āperira.

Ko ēnei e whai ake ko ngā pō kua whakaritea ka kati te Rori o Saddle i ngā ahunga e rua i ia pō mai i te 6pm, ka huaki anō hei te 6am.

• Rātapu 14 Maehe ki te Paraire 19 Maehe (ono ngā pō)

• Rātapu 21 Maehe ki te Paraire 27 Maehe (ono ngā pō)

•  Tūrei 6 Āperira ki te Paraire 9 Āperira (whā ngā pō)

Ka haumaru ake ngā mahi mō ngā kaimahi i ngā pō e katia ana te rori, ā, ka taea te tāhīra anō me te whakaoti i ngā mahi tautiaki kia iti iho ngā takamuritanga i te awatea mō ngā kaiwhakamahi rori. Ka wātea tonu te ara tīpoka mā te Ara o Pahiatua.

Ka whirinaki ngā huarere me ētahi atu āhuatanga, ā, ka whakakorehia pea, ka hikina ohoreretia rānei. Tirohia te whārangi Pukamata a Waka Kotahi Central North Island mō ngā whakamārama.

Tēnā rawa atu koe mō tō manawanui me tō whai whakaaro mai i te wā e whakahaeretia ana ēnei mahi kia ngāwari ake, kia haumaru te haere mā te Rori o Saddle.

Ētahi atu kōrero

Mō ētahi atu mōhiohio, me whakamahi ko tētahi o ēnei āhuatanga e whai ake:

nzta.govt.nz/teahuaturanga

facebook.com/nztacni

twitter.com/wakakotahicni

0800 740 560

teahuaturanga@nzta.govt.nz