View online | Unsubscribe
 
banner

 
Story

Tēnā koutou, ā, nau mai anō ki ngā whakamārama mō Te Ahu a Turanga: Te Huanui o Manawatū-Tararua, te huarahi hou e hono ana i a Manawatū, te Takiwā o Tararua, Te Matau-a-Māui me te raki o Te Wairarapa, e whakakapi ana i te Huanui Matua 3 o Te Āpiti o Manawatū kua kati nei.

Story
     

Image
Story

Kua hoki ki te mahi: Ngā kaimahi wiri whenua a Ben Dixon (i mua), Liam Bartlett me Chaeon Saia (i muri).

Story
 
Story

Kua tīmata anō te tūhura i te whenua

I tino hari mātau ki te tīmata anō i ngā mahi tūhura i te whenua i tērā wiki, whai muri i te nekehanga o te motu whānui ki te Taumata Whakatūpato 3 o te KOWHEORI-19.

I roto i te tīmatanga o ngā mahi ko te whakarite i tētahi Mahere Whakahaerenga Mahi KOWHEORI-19 āmiki me te ū ō ngā mahinga katoa ki ngā whakaritenga kua takoto mō te Taumata Whakatūpato 3, pērā i te noho tawhiti, te noho haumaru, me te whakawhānui i ngā rāhui.

Neke atu i te 60 ōrau o ngā mahi tūhura i te whenua kua oti – neke atu i te 900 mita te wiri poutū me te 108 o ngā rua whakamātautau ki te 4 mita te hōhonu.

Ka tuhia ngā tīpakonga oneone me ngā toka kua whakaemihia e tētahi kaitātari arowhenua kei reira e mahi ana, ā, ka tukuna ki tētahi taiwhanga mātai whenua hei whakatau i ōna āhuatanga ōkiko, ā, ka pēhea te urupare ina pēhia e tētahi taumahatanga.

Kei te whāngaia e mātau ngā mōhiohio katoa mai i ēnei mahi tūhura ki roto tonu i te hoahoa āmiki o te huanui matua, ā, ka whakahoutia e ā mātau kaihoahoa ā rātau tauira ina wātea tonu mai ngā kitenga.

I tēnei wā e toru ngā mīhini wiri mātai whenua kei reira, he rerekē ngā rahinga engari ka taea e ēnei mīhini katoa te wiri ki te 100 mita te hōhonu.

Ko te mīhini e whakaaturia ana i runga ake he CRS XL Max Duo 17-tona, ka taea te wiri ki te 200 mita te hōhonu. Ka whakahaerehia mā tētahi pūmamao, he 2.5 mita te whānui o te mīhini, he 8 mita te roa, ā, he 9 mita te teitei. E whakahaerehia ana e tētahi 170hp Caterpillar pūkaha taumata 4 e whakahaere ana i ana pūnaha waipēhi.

Story
 

 
Story

Kua mārō te haere o te hātepe whakaaetanga mō ngā mahi matua

Kei te pai te haere o ngā mahi kia riro mai ai he whakaaetanga mō ngā mahi hanganga matua o te huanui matua hou.

Neke atu i te 2,500 ngā whārangi mōhiohio i roto i ngā pukapuka e whitu, i tukuna ngā tono whakaaetanga (e whakaaturia ana i raro) ki Horizons Regional Council i te 13 o Poutūterangi, ā, i wātea mai ki te iwi whānui ki te tuku i ō rātau whakaaro mai i te 25 o Poutūterangi ki te 24 o Paengawhāwhā.

Tekau mā iwa ngā tāpaetanga kōrero i tae atu, ā, ka whiriwhiritia ērā e te Kōti Taiao i tētahi whakawātanga, tae atu hoki ki ngā whakataunga mō ngā tono ā muri ake.

Ko tētahi atu mahi ko te whakariterite i ngā tono whakaaetanga mō ngā mahi tuatahi – pērā i te waihanga ara kuhunga me ngā wāhi whakaputu – e hiahia ana mātau ki te tīmata hei te Whiringa-ā-nuku o tēnei tau.

Story
 
Image

 
Story

Kei te haere tonu ngā whitiwhiti kōrero ahakoa ngā rāhuitanga o te KOWHEORI-19

He wāhanga nui tō te hangarau mō te tūhonohono haere tonu i te tangata i roto i ngā rāhuitanga o te mate korona, ā, kāore e rerekē ake te kaupapa a Te Ahu a Turanga.

I te mea i hikina te rauna whitiwhiti kōrero tūmatanui whakamutunga nā te huaketo i waenga o Poutūterangi – e toru ngā hui i tutuki i a mātau, i Tāmaki Nui a Rua, Ashhurst me Te Papaioea i mua i te whakataunga o ngā rāhuitanga – i kōrerorero haere tonu mātau mō te kaupapa me te hunga whai pānga rerekē, i runga hui ataata tuihono.

I hui tō mātau Rōpū Takawaenga Hapori (CLG) i nā tata ake nei mā te hui Zoom i te 30 o Paengawhāwhā, ā, i te 21 o Paengawhāwhā i hui te rōpū mahi me ngā mema o te komiti-iti o CLG, te Shared Use Path. Kei roto i te pikitia i raro nei ko te Kaiārahi Ahurea me te Hoahoa Taiao a Bruce McKenzie e tuku kōrero ana ki te hui mō te ara me te hoahoa o te huarahi.

I hui tuihono anō mātau me ētahi atu o ngā hunga whai pānga, inā kei te haere tonu ngā mahi i rō tari pērā i te hanga mahere, tuku whakaaetanga, hoahoa me te tikanga waihanga.

Story
 
Image

 
Story

Kua hoki te rōpū whakangāwari ikiiki o Ashhurst ki te wāhi mahi

Kei te hoki te Rōpū Whakangāwari Ikiiki o Ashhurst ki te mahi i tēnei marama.

Kei te mahi rātau i te Tiriti o Salisbury, e whakaoti ana i te ara hīkoi hou me te whakawhānui ake i ngā paeara, ā, ka tīmata hoki rātau ki te whakahou i ngā kuititanga o ngā tiriti o Bamfield, Lincoln me Worcester.

Ka tīmata anō ngā mahi i roto i te pokapū o Ashhurst, nō reira he poto noa te tatari o ngā waka ina haere ana mā te tāone.

Mō ētahi atu kōrero me te pānui hoki i ngā kōrero hou rawa haere ki nzta.govt.nz/ashhurst, whakapā atu ranei ki te rōpū i ashhurst@nzta.govt.nz

Below: An artist's impression of the Cambridge Avenue and Bamfield Street intersection, with Ashhurst Library in the background.

Story
 
Image

 
spacer

Ētahi atu kōrero

spacer
 
 
Story

Mō ētahi atu kōrero mō Te Ahu a Turanga: Te Huanui o Manawatū-Tararua, whakapā mai ki teahuaturanga@nzta.govt.nz

Tirohia tā mātau paetukutuku nzta.govt.nz/teahuaturanga

Story