Atvinnulífið, Evrópusambandsaðild og staðan á vinnumarkaði

Bjarni Benediktsson, framkvæmdastjóri SA, var gestur í Silfrinu á RÚV á mánudagskvöld ásamt Guðmundi Kristjánssyni, forstjóra Brims, Höllu Gunnarsdóttur, formanni VR, og Sveini Sölvasyni, forstjóra Embla Medical. Umræðuefnið var afstaða atvinnulífsins til aðildar að Evrópusambandinu og staðan á vinnumarkaði og í efnahagslífinu.

Virðing fyrir verðmætasköpun

„Atvinnulífið er ekki eitthvað sem stendur utan samfélagsins. Það er hluti af samfélaginu. Þar starfar langstærstur hluti landsmanna. Þar verða til nýjar hugmyndir, ný störf og ný tækifæri. Þar verða til þau verðmæti sem gera okkur kleift að fjármagna heilbrigðisþjónustu, menntakerfi, samgöngur, löggæslu og alla þá sameiginlegu þjónustu sem við viljum byggja upp. Áður en hægt er að skipta verðmætum þurfa þau að verða til. Þess vegna er verðmætasköpun ekki sérhagsmunamál. Hún er almannahagsmunamál.,“ segir Jón Ólafur Halldórsson, formaður Samtaka atvinnulífsins, í grein sinni Morgunblaðinu sem nú er aðgengilega á vef Samtaka atvinnulífsins

Súrefni fæst ekki með hærri sköttum

„Við þessar aðstæður þarf að halda áfram verkefninu við að ná niður verðbólgu og vöxtum. Það er ennþá verkefnið. Til þess þarf ríkið og hið opinbera að halda aftur af sér og gefa svigrúm og súrefni. Súrefni fæst ekki með hærri sköttum. Súrefni fæst ekki með því að setja útgjöld ríkisins á sjálfvirkni, eins og menn hafa verið að gera til dæmis í almannatryggingum.“ sagði Bjarni Benediktsson, framkvæmdastjóri SA, í samtali við fréttastofu Ríkisútvarpsins, fimmtudaginn 13. ágúst. „Vegna þess að það er í sjálfu sér auðvitað eftirsóknarvert að við hér á Íslandi getum borgað hvað hæst laun í heimi en þá þurfa líka aðstæðurnar að vera til staðar og þær eru það ekki í dag.“

Skýrar leikreglur forsenda árangurs í orkuskiptum

„Samtökin styðja markmið um að Loftslags- og orkusjóður verði öflugt tæki til að hraða orkuskiptum, nýsköpun og nauðsynlegum fjárfestingum atvinnulífsins. Til að svo verði þarf umgjörð sjóðsins að byggjast á skýrum og fyrirsjáanlegum reglum, málefnalegum matsviðmiðum, samkeppnishlutleysi og réttri beitingu ríkisaðstoðarreglna. Mikilvægt er að styrkjakerfið sé nægilega sveigjanlegt til að styðja við stór og kostnaðarsöm verkefni sem eru nauðsynleg til að markmið stjórnvalda um orkuskipti og samdrátt í losun náist,“ segir í umsögn SA, SI og SVÞ um reglugerð um Loftslags- og orkusjóð.

Takið daginn frá: Ársfundur atvinnulífsins 1. október

Ársfundur atvinnulífsins verður haldinn í Hörpu fimmtudaginn 1. október undir yfirskriftinni Við sækjum fram.

Ársfundurinn er einn stærsti vettvangur landsins fyrir samtal atvinnulífs, stjórnvalda og annarra lykilhagaðila um stöðu efnahagsmála og framtíð íslensks samfélags.

Nánari upplýsingar um dagskrá og skráningu verða kynntar bráðlega. Þangað til hvetjum við félagsmenn og aðra áhugasama til að taka daginn frá.

Rjúfum vítahringinn: Fyrirlestur frá Hringferð

Fyrirlesturinn sem Arnar Birkir Dansson, hagfræðingur á efnahagssviði Samtaka atvinnulífsins, hélt á Hringferð SA, Rjúfum vítahringinn, er nú aðgengilegur á vef SA.

Samtök atvinnulífsins á samfélagsmiðlum

Við erum alltaf á vaktinni

Samtök atvinnulífsins vinna markvisst að hagsmunagæslu í þágu atvinnulífsins og því að tryggja íslensku atvinnulífi samkeppnishæf starfsskilyrði - landsmönnum öllum til hagsbóta. Mikilvægur liður í þeirri vinnu er að vakta þingmál er varða félagsmenn og atvinnulífið í heild og berst SA jafnframt mikill fjöldi þingmála til umsagnar.

Síðustu umsagnir SA má lesa á heimasíðu SA.

Gott að vita