Kaupgjaldsskrá nr. 33 tekur gildi 1. apríl 

Kaupgjalddskrá nr. 33 tekur gildi 1. apríl. Lágmarkslaunataxtar kjarasamninga hækka um 0,06% á grundvelli kauptaxtaauka kjarasamninga frá 1. apríl 2026. Laun yfir kauptöxtum kjarasamninga hækka ekki.

Öll merki um að of mikið hafi verið tekið út

„Það eru auðvitað mikil vonbrigði að vindar skuli hafa snúist svona hratt úr því að vera í nokkuð markvissu vaxtalækkunarferli yfir í vaxtahækkun þar sem sagt er að vextir geti hækkað meira ef þetta dugi ekki til.

Ég held að það sé fullt tilefni til þess að taka mark á því sem sagt er um þátt launahækkana í þessum verðbólgutölum.“

Þetta sagði Bjarni Benediktsson, framkvæmdastjóri Samtaka atvinnulífsins, í samtali við Morgunblaðið í kjölfar vaxtaákvörðunar Seðlabanka Íslands á miðvikudag. Sagði hann vonbrigði að þessi staða væri uppi og að horfur hefðu versnað varðandi forsenduákvæði kjarasamninga.

Seðalbankinn hafi misst tökin á verðbólguvæntingum

„Það er ljóst að þjóðarbúið er komið í vanda þegar peningastefnunefnd ákveður að hækka vexti vegna vaxandi verðbólgu á sama tíma og dregur úr efnahagsumsvifum,“ segir Anna Hrefna Ingimundardóttir, aðstoðarframkvæmdastjóri og forstöðumaður efnahagssviðs Samtaka atvinnulífsins, í samtali við mbl.is.

Enn þá mælast aðstæður í efnahagslífinu slæmar 

Aðstæður í efnahagslífinu sem mælast gegnum vísitölu efnahagslífsins og endurspegla mun á fjölda stjórnenda sem metur aðstæður góðar eða slæmar, skána lítillega milli kannana. Þó mælist staðan enn þá mjög slæm og er nálægt þeim gildum sem sáust í heimsfaraldri kórónuveiru. Þetta er meðal þess sem kemur fram í reglubundinni könnun á stöðu og horfum í efnahagslífinu meðal stærstu fyrirtækja landsins. Könnunin var unnin á tímabilinu 12. febrúar til 5. mars af Gallup fyrir Seðlabanka Íslands og Samtök atvinnulífsins.

Önnur grein af þremur um lykilhæfni framtíðarinnar

Maj-Britt Hjördís Briem, lögmaður á málefnasviði SA, birti í síðustu viku aðra grein sína af þremur um lykilhæfni framtíðarinnar. Í greininni fjallar hún um færnispár. 

„Við gætum spurt okkur hvaða störf verði til á Íslandi eftir tíu ár. Ekki síður mikilvæg spurning er hvaða hæfni mun íslenskt atvinnulíf þurfa?

Svarið er ekki augljóst og svo virðist vera að við viljum ekki komast að því. Á sama tíma og gervigreindin ryður sér til rúms og tæknibreytingar, orkuskipti og alþjóðleg samkeppni umbreyta vinnumarkaði höfum við takmarkaða sameiginlega sýn á hvaða þekkingu og hæfni íslenskt samfélagið þarf.“

Norðurslóðastefna verði að endurspegla aðstæður

Samtök atvinnulífsins, ásamt systursamtökum á Norðurlöndum, hafa lagt fram sameiginlega afstöðu um mikilvægi þess að Evrópusambandið uppfæri norðurslóðastefnu sína frá árinu 2021. Í ljósi aukinnar geópólitískrar spennu og vaxandi samkeppni stórvelda er brýnt að horfa á norðurslóðir sem lykilsvæði fyrir öryggi, efnahagslega seiglu og sjálfbæran vöxt Evrópu.

Samtök atvinnulífsins á samfélagsmiðlum

Við erum alltaf á vaktinni

Samtök atvinnulífsins vinna markvisst að hagsmunagæslu í þágu atvinnulífsins og því að tryggja íslensku atvinnulífi samkeppnishæf starfsskilyrði - landsmönnum öllum til hagsbóta. Mikilvægur liður í þeirri vinnu er að vakta þingmál er varða félagsmenn og atvinnulífið í heild og berst SA jafnframt mikill fjöldi þingmála til umsagnar.

Síðustu umsagnir SA má lesa á heimasíðu SA.

Gott að vita