Takk fyrir 2025!

Við hjá Samtökum atvinnulífsins þökkum fyrir árið og óskum ykkur gleðilegs árs 2026. Starfsár SA er helgað útflutningsgreinunum sem eru undirstaða lífgæða á Íslandi. Við þökkum sérstaklega fyrir hlýjar móttökur og kraftmikla fundi á Hringferð SA í byrjun sumars. Við erum stolt af því að starfa í þágu þess kraftmikla atvinnulífs sem knýr íslenskt samfélag.

Stofnun innviðafélags

„Samtökin hafa lengi varað við því að innviðauppbygging hafi í of mörgum tilfellum setið á hakanum á Íslandi og að útþensla opinberra tilfærslukerfa hafi verið á kostnað innviðauppbyggingar. Viðhaldsskuld á núverandi innviðum hefur safnast upp en sömuleiðis eru ýmsar vísbendingar um að skort hafi á nýfjárfestingar í innviðum, einkum opinberum innviðum,“ segir í umsögn SA um áform um stofnun innviðafélags.

Atvinnulífið og almannavarnir

„Aukin meðvitund hefur orðið um hlutverk einkageirans innan almannavarnakerfisins, t.a.m. hefur opinberi og einkageirinn átt í viðamiklu samstarfi þegar náttúruhamfarir eiga sér stað. Samtökin hafa hins vegar kallað eftir þéttara samtali við stjórnvöld og frekari formfestu á samstarfi opinbera og einkageirans þegar kemur að almannavörnum. Með frumvarpinu er lagt til skýrara skipulag en hins vegar skortir enn á að aðkoma atvinnulífsins sé tryggð þrátt fyrir að það sé nauðsynlegt á ýmsum sviðum almannavarnakerfisins,“ segir meðal annars í umsögn SA og SVÞ um frumvarp til laga um almannavarnir.

Óskað eftir tilefningum til Menntaverðlauna atvinnulífsins

Menntaverðlaun atvinnulífsins verða afhent á Menntadegi atvinnulífsins sem fer fram á Hilton Reykjavík Nordica 11. febrúar 2026.

Óskað er eftir tilnefningum um fyrirtæki sem hafa staðið sig vel á sviði fræðslu- og menntamála.
- Fyrirtækjum er velkomið að tilnefna sig sjálf.
- Einungis er hægt að tilnefna aðildarfélaga innan SA.

Tilnefningar berist eigi síðar en föstudaginn 16. janúar.

Verðlaun eru sem fyrr veitt í tveimur flokkum, menntafyrirtæki ársins og menntasproti ársins.

Menntadagur atvinnulífsins er sameiginlegt verkefni SA, SI, SVÞ, SAF, SFS, SFF og Samorku.

Kaupgjaldsskrá nr. 32 er aðgengileg á vef SA

Kaupgjaldsskrá nr. 32 er aðgengileg á vef Samtaka atvinnulífsins. Í kaupgjaldsskrá SA eru umsamdir kauptaxtar í almennum kjarasamningum SA við landssambönd og landsfélög ASÍ. Einnig upplýsingar um reiknitölur, fatapeninga, verkfæragjald, fæðisgjald og aðra kjaratengda þætti kjarasamninga.

Kaupgjaldsskrá nr. 32. gildir frá 1. janúar 2026.

• Laun hækka frá 1. janúar 2026 um 3,5% en þó kr. 23.750 að lágmarki, nema annað leiði af kauptöxtum sem fylgja kjarasamningunum.
• Kauptaxtar kjarasamninga hækka sérstaklega. Því er mikilvægt að skoða launatöflur kjarasamninga ef starfsfólk fær greitt eftir lágmarkstöxtum. Sama á við um reiknitölu ákvæðisvinnu, þar sem það á við.

Samfélagsmiðlar SA eru iðandi af lífi

Á Facebook, Instagram og LinkedIn geturðu fylgst með starfi Samtaka atvinnulífsins, viðburðum, skrifum og umsögnum. Nýtt efni á miðlunum er meðal annars fjöldi mynda frá Umhverfisdegi atvinnulífsins.

Við erum alltaf á vaktinni

Samtök atvinnulífsins vinna markvisst að hagsmunagæslu í þágu atvinnulífsins og því að tryggja íslensku atvinnulífi samkeppnishæf starfsskilyrði - landsmönnum öllum til hagsbóta. Mikilvægur liður í þeirri vinnu er að vakta þingmál er varða félagsmenn og atvinnulífið í heild og berst SA jafnframt mikill fjöldi þingmála til umsagnar.

Síðustu umsagnir SA má lesa á heimasíðu SA.

Gott að vita