Kei te tirotiro ngā mema o te rōpū mahi ki tētahi karawata pouaka nunui ka hangaia i te weheruatanga o te huarahi 11.5km.

Kei te nui haere ake ngā mahi i te whakatatatanga mai o te tīmatanga o ngā mahi

Kua iti iho i te kotahi marama ināianei mai i te tīmatanga o ngā mahinga hangatanga mō Te Huanui o Manawatū-Tararua.

I te tīmatanga o Hereturikōkā, ko te kaupapa Hononga – kei roto ko Waka Kotahi, Fulton Hogan, HEB Construction, Aurecon me WSP - ka tīmata ngā mahi karikari mō te tari o te kaupapa 1.500m2 i Ashurst, i te taha uru o te huarahi 11.5km hou.

100 ngā kaimahi ka taea e te tari te manaaki i tōna whakatuwheratanga i te tīmatanga o Whiringa-ā-rangi, ā, hei taua wā kua tīmata kē ngā mahi whakatuwhera mō te rori e whā ngā ara (kei raro i ngā whakaaetanga ka tukuna).

Kei roto i ngā mahi whakatuwhera hira ko te waihanga i ngā ara kuhunga kia taea ai te heriheri mai ngā rawa me ngā kaimahi ki te wāhi. I tēnei wāhanga o te kaupapa, ka oti anō i a mātau ngā whakapaitanga ā-haumaru ki ngā kuititanga i te Rori o Saddle, e whakarite ana ka tōtika te mahi a ngā ikiiki hangahanga me te whakararu i te haumaru o ngā kaiwhakamahi rori.

Otirā, ko te tikanga ka oti tētahi kaupapa ngaio mō te tūhurahura i te whenua ā tērā marama, ka tangohia ngā matū tīpakonga mai i ngā pokorua i wiria me ngā rua whakamātautau puta noa i te whakahāngaitanga hei whāngai kōrero tōtika ki te hoahoa me te tikanga hangatanga o te huanui matua.

Kei te pai te haere
Kei te ū tonu kia tīmata ngā mahi hangatanga matua o te huanui hei te Kohitātea 2021.

I te wāhanga tau hangatanga tuatahi, ka tīmata ngā mahi mō ngā oneone nunui o te ono me te hāwhe miriona mita pūtoru e hiahiatia ana mō te roanga o te kaupapa. Kei roto i tēnei ko te waihanga i ngā maioro atu ki te 30 mita te teitei me te karikari i ngā karinga atu ki te 60m te hōhonu.

I roto i tēnei wāhanga tīmatanga ka tīmata mātau ki te waihanga i ngā piriti e whā o te kaupapa – ko te mea nui rawa ko te Piriti 2 i runga ake i te Awa o Manawatū me te Piriti 3 i runga ake i ngā wāhi reporepo. Neke atu i te 300 mita te awhe o ngā piriti e rua.

Kei roto i te wāhanga tau hangatanga tuatahi ko ngā mahi whakahaere parataiao, horo hoki, me te waihanga i ngā ara kuhunga ki te wāhi pāmu kapohau.

Kia mōhio: E whirinaki ana ngā wāhanga wā katoa ki ngā āhuatanga maha, tae atu ki ngā tuku whakaaetanga me Tāwhirimātea i ngā wāhanga tau hangatanga.

He whakamārama mō ngā whakaaetanga

He whakamārama mō ngā whakaaetanga
Kei te whakariterite mātau ki te tiki atu i ngā whakaaetanga rawa mō ngā mahi tuatahi o te kaupapa.

Kei roto i ēnei mahi ko ngā mea pērā i te tango wai mai i te Awa o Manawatū, te hanga puna wai, ngā ara kuhunga mai i ngā rori o Saddle, Cook me Hope, me te neke i ngā waea i te Pāmu Kapohau o Te Āpiti.

Ko tā mātau e tūmanako ana ka tīmata ngā mahi hei te Whiringa-ā-nuku o tēnei tau.

Ngā mahi matua
Kei te haere ngā mahi takawaenga me ngā kōrerorero mātanga mō ngā take i whakaarahia e ngā tāngata me ngā rōpū whakahaere i tuku tāpaetanga kōrero ki ā mātau tono whakaaetanga mō ngā mahi hangatanga matua.

Ka tuku whakatau te Kōti Taiao mō ēnei tono whai muri mai i tētahi whakawātanga ka tīmata hei te 24 o Hereturikōkā.

Kei te pai te haere o te hoahoa o te pīriti matua

E whakaaturia ana i raro ko tētahi whakaaturanga o te piriti nui rawa e whitu o te huanui matua. Ka whiti tēnei i te Awa o Manawatū, ā, neke atu i te 300 mita te awhe o te 'Piriti 2' - e mōhiotia ana i tēnei wā - ko te tūmanako e 44 marama te roa ka oti.

Ka whakatauhia e te rōpū mahi i te Minita Ikiiki

I peka mai te Minita Ikiiki a Phi Twyford (tuarua mai i te taha mauī) ki te tari inanahi ki te whakarongo ki ngā whakamārama mai i te Kaiwhakahaere Takawaenga ā-Iwi a Lonnie Dalzell (pito matau). I taua hui ko te MP o Te Papaioea a Iain Lees-Galloway (waenganui), Koromatua o Te Papaioea a Grant Smith me te Tumuaki Kaituitui Hononga ā-Rohe o Waka Kotahi (Taha Whakarunga) a Emma Speight.

More information

Mō ētahi atu kōrero mō Te Huanui o Manawatū-Tararua, whakapā mai ki teahuaturanga@nzta.govt.nz

Tirohia tā mātau paetukutuku nzta.govt.nz/teahuaturanga