Ársfundur atvinnulífsins: Sókn er besta vörnin

Verðbólga er þrálát, vextir háir og óvissa ríkir á vinnumarkaði. Ný könnun SA og Seðlabankans sýnir að atvinnurekendur sjá fram á dekkri horfur, færri ráðningar og áframhaldandi þrýsting á rekstur fyrirtækja á Íslandi.

Við þessar aðstæður dugir ekki að bíða. Ísland þarf að sækja fram með umbótum sem auka verðmætasköpun, styrkja samkeppnishæfnina og skapa skilyrði fyrir lægri verðbólgu, lægri vexti og betri lífskjör.

Tækifærin eru til staðar. Ætlum við að nýta þau?

Komdu á Ársfund atvinnulífsins í Hörpu þann 1. október.

Á fundinum stíga á svið:
Baldvin Þorsteinsson | Birna Ósk Einarsdóttir | Bjarni Benediktsson | Bryndís Hlöðversdóttir | Gylfi Jónu Arnbjarnarson | Jón Ólafur Halldórsson | Kristrún Frostadóttir | Rannveig Rist | Skúli Mogensen | Tómas Sigurðsson | Þorsteinn Víglundsson

Dagskráin stendur frá kl. 15-17 og verður húsið opnað kl. 14.30. Að lokinni dagskrá verður boðið til móttöku í Björtuloftum í Hörpu þar sem verða léttar veitingar og ljúfir tónar.

Upplýsingafundur vegna forsenduákvæða kjarasamninga 

Á morgun, þriðjudaginn 22. september, verður haldinn upplýsingafundur vegna forsenduákvæða kjarasamninga.

Fundurinn er í streymi og stendur frá kl. 12.20-13.00.

Á fundinum fer Bjarni Benediktsson, framkvæmdastjóri Samtaka atvinnulífsins yfir stöðuna og svarar spurningum.

Óskað eftir tilnefningum til Umhverfisverðlauna atvinnulífsins 2026

Umhverfisdagur atvinnulífsins 2026 verður haldinn í ellefta sinn þriðjudaginn 27. október undir yfirskriftinni Sérstaða Íslands. Fundurinn fer fram á Hótel Reykjavík Grand frá kl. 13:00–15:15 og verður skráning auglýst fljótlega.

Búið er að opna fyrir tilnefningar til Umhverfisfyrirtækis ársins 2026. Verðlaunin eru veitt fyrirtæki sem skarar fram úr í umhverfis- og loftslagsmálum og sýnir í verki hvernig árangur næst með markvissum aðgerðum, nýsköpun og ábyrgri stjórnun.

Frestur til að senda inn tilnefningu er til og með 10. október næstkomandi.

Fyrirtæki búa sig undir fækkun starfa

Stjórnendur stærstu fyrirtækja landsins telja aðstæður í efnahagslífinu áfram slæmar og væntingar þeirra til næstu sex mánaða hafa ekki verið lægri frá árinu 2018. Um 34% fyrirtækja sjá fram á fækkun starfsfólks næsta hálfa árið en aðeins 9% búast við fjölgun.

Veik innlend eftirspurn og erfið rekstrarskilyrði setja jafnframt mark sitt á niðurstöðurnar. Fjögur af hverjum tíu fyrirtækjum búast við minni hagnaði í ár en í fyrra og verð á aðföngum er talið munu hækka hraðar en verð á eigin vörum og þjónustu.

Samtök atvinnulífsins á samfélagsmiðlum

Við erum alltaf á vaktinni

Samtök atvinnulífsins vinna markvisst að hagsmunagæslu í þágu atvinnulífsins og því að tryggja íslensku atvinnulífi samkeppnishæf starfsskilyrði - landsmönnum öllum til hagsbóta. Mikilvægur liður í þeirri vinnu er að vakta þingmál er varða félagsmenn og atvinnulífið í heild og berst SA jafnframt mikill fjöldi þingmála til umsagnar.

Síðustu umsagnir SA má lesa á heimasíðu SA.

Gott að vita