| View online |
|
 |
Ngā Pitopito Kōrero |
|
 |
8 Hiringa-ā-nuku 2024 |
|
|
Tēnā koutou, ā, nau mai anō ki ngā whakamārama mō Te Huarahi Matua o Manawatū-Tararua – te ara 11.5km te roa hei hono anō i a Manawatū, te Takiwā o Tararua, Te Matau-a-Māui me te raki o Te Wairarapa, e whakakapi ana i te Huanui Matua 3 o Te Āpiti o Manawatū kua kati nei. |
|
 |
||
|
Ka rawe kē te haere o ngā mahi i te Piriti o Parahaki, 300 mita te roa Kei te kitea te āhua o te mata o te huarahiNeke atu i te 5 kiromita o te 11.5km o Te Ahu a tūranga: Te Huarahi Matua o Manawatū-Tararua kua uhia ki te papakū, e haere tonu ana ngā mahi hanga i te mata o te rori. Mai i te tīmatanga o te whakatakoto i te papakū i te Hune, neke atu i te 37,000 tana papakū kua horaina e ngā kaimahi, tata ki te hautoru te rahi e hiahiatia ana hei whakaoti i te rori. Hei āwhina ki te whakarato i te papakū ko te mīhini nekeneke hanga hanga papakū a te kaupapa, he mea whakatū ki waenga o te kaupapa mahi. Ka puta i tēnei mīhini te 60,000 tana papakū i mua o te otinga o te rori, tata ki te 60% rānei o te katoa. Ko te nuinga atu ka kawea mai i te mīhini papakū e pātata ana ki Bulls. Ahakoa he wāhanga nui o te rori kua kapi ināianei ki te papakū, kei te haere tonu ngā mahi ki te whakatakoto i ngā papanga tūāpapa o raro i te Takiwā 4 (te taha ki Woodville). Tata ki te 250,000 tana o te papa maramara kōhatu kua kawea mai ki te kaupapa i tēnei wā, he tata ki te 70% o te nui e hiahiatia ana. I tētahi atu wāhi o te kaupapa, kei te anga whakamua ngā mahi ki ngā piriti matua. I te Piriti o Parahaki – te piriti 300 mita te roa e whiti ana i te Awa o Manawatū - 52 o ngā wāhanga 54 o te papa piriti kua oti ināianei. Kua oti i te rōpū te "tuitui" e tūhono ana i te papa piriti matua i waenga i ngā poutoka 1 me te 2. Kua oti hoki te pātū pupuri, te wāhi e tūhono ana te piriti ki te whenua i te taha raki. I runga ake o te awa i te Eco-Viaduct Bridge, kua oti te papa o te piriti, ā, kei te whakatūria e ngā kaimahi ngā ārai raima. Kua oti ngā ārai i te taha uru. Kua oti hoki i ngā kaimahi horanuku tā rātau wāhanga whakatipu whakamutunga, neke atu i te 420,000 ngā tipu kua rumakina e rātau mai i te tīmatanga i te Āperira. Huihui katoa, 1.5 miriona ngā tipu kua whakatōngia mai i te tīmatanga o ngā mahi hanga i te rori. Ka hoki atu te rōpū horanuku i te tīmatanga o te tau 2025 ki te whakaoti i ngā mahi whakatipu e toe ana, i reira ka eke ngā tipu katoa o te kaupapa ki te 1.8 miriona.
Ka oti te kaupapa i te weherua o te tau 2025. I raro: Neke atu i te 40,000 tana papakū kua horaina i tēnei wā ki te huarahi matua. |
|
 |
|
Ētahi atu kōrero |
|
|
Mō ētahi atu mōhiohio, me whakamahi ko tētahi o ēnei āhuatanga e whai ake:
|
|
|
||||||||||||||||
|
