Ko ngā kaimahi a Michelle Bishop rāua ko Hemi Heta i te wāhi hangahanga o te tari mahi mō Te Ahu a Turanga: Te Huanui o Manawatū-Tararua e pātata ana ki Ashurst.

Kua tīmata!

Kua tīmata ngā mahi hira, kei mua ēnei mahi i ngā mahi hangahanga i te huarahi matua ka tīmata hei te tau hou nei.

Kei roto i ngā mahi tuatahi ko ngā tūmomo mahinga, me te whakatū i tētahi pari pōhatu me ngā ara hangahanga kia whai wāhi atu ai ngā kaimahi, ngā rawa me ngā utauta.

Tari mahi
Kei te mahia haeretia te tari mahi matua, kei te taha uru o te wāhi whakahāngai i te huarahi matua e pātata ana ki Ashurst.

Ko te tikanga ka oti te tari 1,500 mita pūrua te nui hei te Noema, ā, atu ki te 100 ngā kaimahi o te kaupapa Te Ahu a Turanga ka mahi ki reira. Koinei te pokapū whakahaere mō tā mātau kaupapa mō ngā tau e whā e heke iho kia mutu rā anō te rori i te mutunga o te 2024.

Ina tuwhera ki te iwi whānui, kei roto i te tari ko tētahi pokapū mōhiohio i te wāhi taupaepae, e whakaatu ana i ngā whakamārama hou rawa, ngā pikitia me ngā ataata i te wā e anga whakamua ana ngā mahi waihanga.

Kei reira anō ētahi whare tari kua oti te whakatū ka taetae atu i roto i te marama me te hāwhe, nō reira me mataara ki ngā utanga whānui ina taetae atu ki te wāhi mahi, e pātata ana ki te kuhunga ki te āpiti.

Te whakatū i te pari pōhatu
I wāhi kē kei te whakatikatika mātau ki te whakatū i tētahi pari pōhatu – mō ngā maramara kōhatu hei hanga i te huarahi matua – i te Teihana o Broadlands, i te Rori o Saddle e pātata ana ki Ashhurst. I te tīmatanga o Oketopa, ka tīmata mātau ki te waihanga i te huringa matau ki te Rori o Saddle, kia haumaru ai te kuhu ki te pari pōhatu mō ngā taraka tikitiki maramara kōhatu mō ngā rori.

Ka whakatūria ngā āhuatanga whakahaere ikiiki mō te wā poto mō tēnei, ā, ka whakawhāitihia pea ngā ara, te whakaheke i te tere me ngā tohu tū/haere mō te kotahi marama e haere ana ngā mahi.

Tirohia te facebook.com/nztacni mō ngā whakamārama.

Te huri mauī i te Rori o Saddle
Ko tētahi atu mahi ka tīmata i te Oketopa ko te waihanga i tētahi ara mō ngā waka mahi kia uru atu ki ngā wāhi hangahanga mō ngā piriti e rua o te huarahi matua, me tētahi wāhi mō ngā mahi karikari whenua.

Ka kuhu ngā waka mahi ki te ara mai i tētahi huringa mauī hou (ka ahu ki te rāwhiti) mai i te Rori o Saddle, ka haere mā raro o te piriti o Pohangina, ā, 1km atu ki ngā wāhi mahi.

Ka whakatūria ngā tohu whakatūpato hei whakamōhio atu i te hunga haere mā te Rori o Saddle ki ēnei mahi.

Te neke i ngā taura hiko
I te mea kei te hipa te huarahi matua hou mā te Pāmu Hau o Te Āpiti, kei te whakatūria e mātau ngā taura waea kapohau hei whakarite ka haere tonu ngā mahi a Meridian Energy.

Ka tīmataria ēnei mahi hei te Oketopa, ā, ko te tikanga ka mutu hei te Tīhema.

NKia mōhio: E whirinaki ana ngā whakaritenga wā katoa ki ngā āhuatanga maha, me ngā tuku whakaaetanga me Tāwhirimātea hoki.

Ā kō ake nei ka tīmata ngā mahi mō te tūnga waka wā poto

I te mea e hiahiatia ana kia hangaia he tūnga waka i te āpiti o Manawatū mō te piriti o te kaupapa mahi o te awa o Manawatū, ka hangaia e mātau he tūnga waka wā poto i tētahi wāhi tūtata, ka kuhu mā te Rori o Napier SH3.

He ōrite te rahi o tēnei ki te tūnga waka onāianei (tata ki te 3,500 mita pūrua), ā, ko te whāinga hei te Oketopa ka oti ēnei mahi.

I te Noema ka katia te tūnga waka onāianei, ā, ka tonoa ngā kaiwhakamahi rori ki te tūnga waka hou, ka wātea tēnei nā kia oti rā anō te piriti, ka wātea mai hoki te wāhi mahi ā te 2024. Kātahi ka whakatuwheratia te tūnga waka onāianei ki te iwi whānui.

Kei te tūnga waka wā poto ko tētahi pūhara mātakitaki mā te iwi whānui hei tirotiro i ngā whakakitenga whakamīharo rawa i te āpiti me te mātakitaki i ngā mahi hanga i te piriti 300 mita te roa.

Ētahi atu kōrero

Mō ētahi atu kōrero mō Te Huanui o Manawatū-Tararua, whakapā mai ki teahuaturanga@nzta.govt.nz

Tirohia tā mātau paetukutuku nzta.govt.nz/teahuaturanga