Kjaraviðræður Birtast myndirnar ekki? Vefútgáfa Frestun verkbanns og ráðgast um miðlunartillögu ![]() ![]() Kæri félagsmaður. Samtök atvinnulífsins hafa ákveðið að fresta upphafi boðaðs, ótímabundins verkbanns um rúma 4 sólarhringa, þ.e. til kl. 16:00 mánudaginn 6. mars 2023. Ríkissáttasemjari hefur óskað eftir fundi með SA og Eflingu til að ráðgast um framlagningu miðlunartillögu. Samtök atvinnulífsins fresta því fyrirhuguðu verkbanni um rúma 4 sólarhringa að beiðni ríkissáttasemjara Verkbannið nær til félagsmanna í Eflingu, sem starfa á félagssvæði Eflingar og sinna störfum sem falla undir almennan kjarasamning eða veitinga- og gistihúsasamning SA og Eflingar. SA munu veita nauðsynlegar undanþágur frá verkbanninu. Þátttaka fyrirtækja í verkbanni ekki valkvæð Þegar um verkbann er að ræða má enginn sem starfar eftir kjarasamningum SA og Eflingar mæta til vinnu nema að fenginni undanþágu frá framkvæmdastjórn Samtaka atvinnulífsins. ![]() Endurspeglar vilja og einurð breiðs hóps atvinnurekenda Aðildarfyrirtæki SA hafa nú samþykkt tillögu samtakanna um verkbann með 94,73% greiddra atkvæða. Hefði hvert fyrirtæki haft eitt atkvæði væri verkbannið samþykkt með rúmlega 80% atkvæða. Meirihluti aðildarfyrirtækja SA eru lítil og meðalstór fyrirtæki. Nýafstaðin atkvæðagreiðsla um verkbann endurspeglar því vilja og einurð breiðs hóps atvinnurekenda af öllum stærðum þvert á atvinnugreinar. Verkbann er neyðarúrræði atvinnurekenda til að bregðast við skæruverkföllum með það að markmiði að lágmarka tjón atvinnulífsins og samfélagsins af verkföllum. Verkbann þrýstir á Eflingu að ganga til viðræðna við SA um gerð kjarasamninga á sömu nótum og nánast öll önnur stéttarfélög á almenna vinnumarkaðnum hafa nú þegar samið um. Næstu skref í deilunni ![]() Mál Alþýðusambands Íslands gegn Samtökum atvinnulífsins vegna verkbannsins verður þingfest í Félagsdómi í dag. Þá verður mál Ólafar Helgu Adolfsdóttur, ritara Eflingar, tekið fyrir í Félagsdómi í dag, en það snýr að miðlunartillögunni sem Aðalsteinn Leifsson lagði fram fyrir rúmum mánuði síðan og félagsfólk Eflingar hefur ekki fengið að greiða atkvæði um. |