Vonandi fyrsta skrefið í átt að traustari umgjörð um menntakerfið

Samtök atvinnulífsins fagna áformum um samræmdari og skýrari umgjörð um námsmat í grunnskólum. Í umsögn sinni leggja samtökin áherslu á mikilvægi þess að mat sé gagnsætt og samanburðarhæft og styðji við úrbætur í skólakerfinu og bættan námsárangur nemenda. Jafnframt hvetja samtökin til aukins samræmds mats á færni nemenda um land allt.

Ský, ský burt með þig

„Til að styðja við bætta framleiðni, lægri kostnað og minni verðbólgu gætu stjórnvöld lagst á árar með atvinnulífinu – sýnt aukinn aga í ríkisrekstri, dregið úr álögum, létt á reglubyrði og tekið þátt í að skapa heilbrigðari umgjörð um vinnumarkaðinn. Þá myndi örugglega rofa til,“ ritar Anna Hrefna Ingimundardóttir, aðstoðarframkvæmdastjóri SA, í Endahnút sínum í Viðskiptablaðinu.

Rjúfum vítahringinn: Myndir í Viðskiptablaðinu

Viðskiptablaðið birti í síðustu viku myndir frá hringferðarfundi SA í Reykjavík.

Heilbrigð vinnustaðamenning

Vinnueftirlitið og félags- og húsnæðismálaráðuneytið hafa sett á laggirnar starfshóp um áhrif heilbrigðrar vinnustaðamenningar á líðan starfsfólks. Samtök atvinnulífsins eiga þar sæti ásamt fulltrúum helstu aðila vinnumarkaðarins og opinberra stofnana.

Markmiðið er að hvetja vinnustaði til að efla heilbrigða vinnustaðamenningu þar sem öryggi og vellíðan starfsfólks er í forgrunni og allir bera sameiginlega ábyrgð. Starfshópurinn mun skila tillögum í lok árs 2026.

Samtök atvinnulífsins hafa lengi lagt áherslu á mikilvægi sterks sálfélagslegs vinnuumhverfis. Heilbrigð vinnustaðamenning eykur starfsánægju, virkni og árangur, en vanræksla á þessum þáttum getur leitt til verri afkasta, slysa og aukinna fjarvista með neikvæðum áhrifum á rekstur fyrirtækja.

Samtök atvinnulífsins á samfélagsmiðlum

Við erum alltaf á vaktinni

Samtök atvinnulífsins vinna markvisst að hagsmunagæslu í þágu atvinnulífsins og því að tryggja íslensku atvinnulífi samkeppnishæf starfsskilyrði - landsmönnum öllum til hagsbóta. Mikilvægur liður í þeirri vinnu er að vakta þingmál er varða félagsmenn og atvinnulífið í heild og berst SA jafnframt mikill fjöldi þingmála til umsagnar.

Síðustu umsagnir SA má lesa á heimasíðu SA.

Gott að vita