Whakaupoko: he hoahoa ariā tuatahi mō te piriti hou o Te Awa o Manawatū

Ka anga whakamua te hoahoa i te whakaaetanga kia whā ngā ara mō te huanui hou

Kua whakatauhia e rua ngā ara o ia ahunga o Te Ahu a Tūranga, Te Huanui o Manawatū-Tararua mō te nuinga o te rori hou, tae atu ki te mānia o Te Pae Maunga o Ruahine.

I tau te kōrero kia whakaurua ngā ara waka pōturi whai muri i ngā mahi hoahoa atu anō me te uru mai o ngā whakaaro o te iwi whānui me ngā rōpū kaiwhakamahi rori - ngā mihi ki a koutou mō ō koutou whakaaro whai kiko, whai take hoki mō tēnei take.

Nā, e whā ngā ara waka i waenga i ngā takaāwhio hei tohu i ngā pito e rua o te huanui hou, e haumaru ai, e tōtika ai te haere a ngā tāngata i waenga i a Raukawa me Woodville.

Kei te aro atu mātau ki ētahi atu āhuatanga hoahoa hira o te huarahi hou, arā, pērā i te piriti nui e whiti ana i Te Awa o Manawatū me ngā takaāwhio i ngā pito e rua. Ka whakaaturia ā mātau mahi ki a koe i ngā hui kōrero tūmatanui hei te tīmatanga o Hakihea (tirohia te tuhinga i raro).

Pānui mō Ngā whakaritenga me ngā whakaaetanga

Kei te pai te haere a ngā pīra ki te Pānui Whakaritenga mō te tautapatanga o te huarahi ikiiki. I roto i tēnei ko ngā whitiwhiti kōrero me ngā kaipīra, te hunga whai pānga me ngā ariki whenua me te takawaenga a te Kōti.

Kei te whakatikatikahia e mātau te hāngaitanga o te huarahi ikiiki hei whakaiti i ngā pānga ki ngā kawenata wāhi tuwhera o QEII me ngā uara rauropi hāngai, hei whakapai ake i te taikaha me te karo hoki i ngā hanganga pāmu hau.

Kei te kaunekehia e mātau ā mātau whakaaetanga rawa mahi mō ngā ara urunga wāhi mahi, te tango te putu wai me ngā haumitanga hangarau-nuku taketake puta noa i te huarahi. Ko te tikanga ka tīmata ngā mahi hei te tīmatanga o te 2020.  He mahinga taketake ēnei kia oti ai ngā mahi o te kaupapa nei i te mutunga o te tau 2024.

Kua mārō te haere o ā mātau tūhuratanga hangarau mō ngā mahi hangahanga matua. Kei roto i tēnei ko ngā mahi takiwā rauropi – kei te ine mātau me te tātari i ngā kōawa me te whakamahere āmiki i ngā ururua. Kei te whakawhitiwhiti kōrero mātau me ngā iwi, a Horizons, Te Papa Atawhai me ētahi atu rōpū, ā, ko te tikanga ka uru ā mātau tono whakaaetanga ki a Horizons ā te Hakihea.

Whakaupuko: He maha anō te hunga i tae mai ki te hui i Woodville

Ngā Hui Tuku Mōhiohio Tūmatanui ā te Hakihea

Ka tukuna te hoahoa ariā hou, me ētahi atu whakamārama mō te kaupapa me ngā mōhiohio hou rawa ki te iwi whānui i ngā hui tuwhera i roto i te rohe hei te tīmatanga o Hakihea 2019. Ka tukuna e mātau ngā mōhiohio hou rawa mō ngā mahi kei te heke iho me te tuku i tētahi hōtaka mō ngā mahi hangahanga ake.

Ka whakamōhiotia koe mō ngā rā me ngā wāhi mō ngā hui nei ā tōna wā.

Te whakawhānui i Te Ara o Pahīatua me te katinga o Te Hiwi o Remutaka

Kua tata te tīmata o ngā mahi whakawhānui i te taha rori o te Ara o Pahīatua.  Ka puta i ēnei mahi ko ngā pahikara, ā, he wāhanga tēnei nō te kaupapa $2.1 miriona hei whakapai ake i te rori kua tino nui kē atu te maha o ngā waka e haere ana i konei mai i te katinga o SH3 mā te Āpiti o Manawatū.  Ko tāu e tūmanako ana ko te tū/haere i te awatea.

Me mōhio koe ki ngā wā kati i te pō o te Rori o Te Hiwi o Remutaka mō ngā mahi tautiaki waiwai me ngā mahi ārai horo. He pānga pea ō ēnei katinga ki ngā nekeneke o ngā waka i Te Ara o Pahīatua me te Rori o Saddle.

• 9pm Rātapu 10 Whiringa-ā-rangi - 4am Mane 11 Whiringa-ā-rangi (kotahi te pō)
• 9pm Rātapu 24 Whiringa-ā-rangi - 4am Paraire 29 Whiringa-ā-rangi (rima ngā pō- huaki anō te rori i ia rā i te 4am)

Ka whakaaturia ngā mahi rori e heke iho ki tā mātau whārangi NZ Transport Agency - Central North Island Facebook i ia Paraire.

Ka taea e koe te whai tēnei whārangi kia mōhio ai he aha ngā whakaritenga i roto i te rohe mō te wiki e heke iho.

Ngā whakamārama mō Te Āpiti o Manawatū

Kei te tātari tonu mātau i te tika o te rori tawhito mā te Āpiti o Manawatū. Ahakoa kua tau e kore anō e noho hei huarahi matua, ka mahi tahi mātau me ngā iwi, ngā kaunihera me Te Papa Atawhai ki te waihanga i tētahi mahere mō tēnei takiwā. Ka kōrero mātau mō tēnei mahere me te hapori ina taea ana.

Kei te tirotiro haere tonu mātau i te āpiti, ā, kei te tino papahoro tonu ngā āhuatanga o reira. Kei te whiwhi kōrero tonu mātau mō te hunga e haere ana ki tua o ngā ārai e aukati ana i te rori. E tūtohu ana mātau kia kaua e pēnei – kāore i te haumaru mō te tāngata i tēnei huarahi. Engari, kei te tuwhera tonu ngā ara hīkoi i runga ake o te āpiti, ka mutu kei te haumaru ēnei.

Mō ētahi atu mōhiohio mō Te Ahu a Tūranga: Te Huanui o Manawatū-Tararua, whakapā mai ki teahuaturanga@nzta.govt.nz

Tirohia rānei tā mātau paetukutuku www.nzta.govt.nz/teahuaturanga