View online | Unsubscribe
 
banner

 
Story

Kia ora, ā, koinei ngā whakamārama hou mō te kaupapa Te Ahu a Turanga: Te Huanui o Manawatū-Tararua, te huarahi hou e hono ana i a Manawatū, te Takiwā o Tararua, Te Matau-a-Māui me te raki o Te Wairarapa, kua whakakapi nei i te ara Huanui Matua 3 o Te Āpiti o Manawatū kua kati nei.

Story
     

Image
Story

Story
 
Story

Ngā mahi e mahia ana

Kua kite pea koe i te nui haere o ngā mahi i te Āpiti o Manawatū. Kua whakahaerehia e mātau ngā mahi tūhura i te oneone i te tūnga waka o te kuhunga taha taiuru ki te āpiti. Koinei te wāhi o tētahi o ngā hanganga matua o te kaupapa - ngā poutoko o te piriti e whakawhiti ana te Awa o Manawatū.

He mea taketake te whiwhi i ēnei mōhiohio hei arotau i te hoahoa pūkaha.

Story
 

Image
Story

Te hui tuatahi a te Rōpū Takawaenga Hapori o Te Ahu a Turanga

Story
 
Story

Ngā hui a te Rōpū Takawaenga Hapori

I tū ngā hui ā-rōpū tuatahi e rua inā tata nei a te Rōpū Takawaenga Hapori. Kei roto i tēnei rōpū ko ngā māngai nō ngā rōpū me ngā whakahaere o te hapori, ā, i whakatūhia tēnei rōpū ki te tuku kōrero me te tuku whakaaro atu ki ngā hoahoa ariā kua neke atu nei ki ngā mahi hoahoa āmiki.

Ko ētahi wāhi e tuku whakaaro ana rātau ko:

  • ngā hoahoa horanuku,
  • ngā whakaurunga tūmatanui pērā i te tūnga waka o te taha taiuru me ngā ara hīkoi,
  • ngā mahi whakangāwari i ngā raruraru ā-hauropi (me te whakatautika, paremata, whakatipu anō hoki),
  • te whanaketanga o ngā whakaurunga hīkoi me te eke pahikara (he ara kotahi),
  • te whakarite kia haere ngā mahi hanganga,
  • te whakahaere ā-taiao i ngā mahi hanganga (otirā ngā ikiiki hanganga) ina tīmata ā mātau mahi i te rori hei te raumati e heke iho,
  • ngā tohu kaupapa hira,
  • me te whanaketanga o ngā wāhi whakatā/tirotiro i te ara hou.

Hui ai te rōpū takawaenga hapori i ia marama. I tae atu anō tētahi rōpū mahi mai i ngā mema takawaenga hapori ki ētahi atu hui ki te mahi tahi me ā mātou kaihoahoa ki te whakawhanake i te ara kotahi.

Story
 

 
Story

Pānui mō Ngā whakaritenga me ngā whakaaetanga

Kei te mahi tonu mātau me ngā kaipīra i tā mātau Pānui Whakaritenga mō te tautapatanga o te huarahi ikiiki. He maha ēnei pīra kua whakatauhia, ā, me haere tonu ngā kōrero takawaenga atu anō ka whakaritea mō te Hakihea 2019.

Ko ngā mahi āmiki hei whakarite mō te tuku i ngā tono whakaaetanga ā-rohe mō ngā mahinga hangahanga matua kei te haere tonu. Ka tukuna ēnei hei te wāhanga tuatahi o tērā tau.

Story
 

Image
Story

He hoahoa ariā nō te piriti ā-taiao kei runga ake i ngā repo

Story
 
Story

Te waihanga i tā mātau hoahoa

Kei te anga whakamua ngā mahi hoahoa, e haere ana i te taha o ngā mahi tukanga whakaaetanga. Neke atu i te 30 ngā kaihoahoa kei roto i tēnei wāhanga o te kaupapa. Kei roto i ā rātau mahi ko te hoahoa i te rori, ngā piriti, ngā pūkaha ā-papa, te whakahaere wai marangai, te ara kotahi, me ngā āhuatanga hoahoa ahurea me te taiao (hei tauira, ngā whakaurunga ā-rēhia me te hoahoa horanuku).  Ka oti te hoahoa āmiki hei te pito o te tau 2020.

Story
 

Image
Story

Story
 
Story

Te hīkoi i te huanui matua

He tino pai ki a mātau te mahi tahi me Te Kura o Woodville me Woodville Lions e whakariterite ana i tētahi hui mahi moni hei hīkoi i te rori. Ka tū te huihuinga hei te 18 o Kohitātea 2020 (te Huritau mutunga wiki o Te Whanganui-a-Tara). E hia mano kē ngā kaihīkoi e tūmanakohia ana ka tae ake, e hīkoi ana i te rori whānui mai i te uru ki te rāwhiti, te wāhanga rāwhiti anake rānei.

He whai wāhitanga hira, ahurei hoki tēnei hei tirotiro i te wāhi ake e whakatūhia ana te huanui matua hou. E wātea ana ngā tīkiti mai i info@tararua.com, i 0800 827278 rānei.

Story
 

Image
Story

Te takaāwhio o Cambridge Ave – tētahi o ngā whakapaitanga onā tata nei i Ashhurst

Story
 
Story

Te whakangāwari i ngā ikiiki o Ashhurst

E tino whai take ana ngā mahi a te rōpū whakangāwari i ngā ikiiki o Ashhurst i ngā marama ua o te takurua mā te mahi i ngā mahi hanga mahere, hoahoa hoki. Ina, ka mahana haere ngā rā kei te whakariterite rātau mō ngā mahi hangahanga whai ake i Ashhurst.

Nō nā tata nei i tīmata ā mātau kaimahi kirimana ki te waihanga i tētahi ara hīkoi hou i te Tiriti o Salisbury. Ka whānui haere ake te ara hīkoi onāianei i te taha rāwhiti o te Tiriti o Salisbury hei te 2020.

Hei te Kohitātea, ka tīmata ngā mahi i te pokapū tāone. Ko te tikanga ka whakaurua e te rōpū nei tētahi pūtahitanga whakarewa me ngā pūhara whakarewa e toru. Ka hangaia ēnei mai i ngā rōnaki kua mahia kētia, ā, ka noho hei puku whakapōturi nui, e whakatenatena ana i ngā kaitaraiwa kia āta haere i te rori o Cambridge Avenue. Ka whakahaumaruhia ake e rātau mō te hunga e whakawhiti ana i te rori me te whakatenatena i ngā kaitaraiwa kia tū ki te whakatā me te pārekareka ki te pokapū tāone o Ashhurst.

Kua whakaritea anō ki te waihanga i ngā motu ikiiki i te Tiriti o Salisbury me te whakawhāiti i ngā pūtahitanga i te Tiriti o Bamfielf, Lincoln me Worcester hei te wāhanga tōmua o te tau 2020.  E mōhiotia ana ēnei momo rerekētanga mō te whakapōturi i te haere a ngā waka, te whakaheke i te turituri me te whakaheke i ngā tukinga i te mea ka haumaru ake te wāhi.

I te wā e haere ana ngā mahi hanganga, ka noho tonu te rōpū kaupapa ki te hanga mahere me te hoahoa i ētahi atu rerekētanga me te tuku whakamārama haere ki te katoa mō te anga whakamua.  Tirohia ngā whakaahua hou rawa me te rapu kōrero atu anō: www.nzta.govt.nz/ashhurst

Story
 

 
Story

Ngā hui tuku kōrero hei te wāhanga tōmua o te tau 2020

E rikarika ana mātau ki te tuari i ngā kōrero hou rawa me ngā mahi hoahoa ki a koe i ā mātau hui tuku kōrero puta noa i te rohe. Ka tū ēnei hei te wāhanga tōmua o te tau hou.

Ka puta ngā rā me ngā taipitopito i roto i ngā whakamārama kaupapa e whai ake.

Story
 

 
Story

Ngā mahi rori

Kei te haere tonu ngā mahi whakawhānui i te taha rori i te ara o Pahīatua, ā, kei te hangaia he ara pahikara. Kua whakaritea kia haere tonu ngā mahi ki te marama o Poutūterangi 2020.

Ka whakaaturia ngā mahi rori e heke iho ki tā mātau whārangi NZ Transport Agency - Central North Island Facebook i ia Paraire. Ka taea e koe te whai haere i reira kia mōhio ai koe he aha ngā whakaritenga i roto i te rohe mō te wiki e heke iho.

Story
 

 
spacer

He mōhiohio anō

spacer
 
 
Story

Mō ētahi atu mōhiohio mō te ara whakakapi o te Āpiti o Manawatū SH3, whakapā mai ki teahuaturanga@nzta.govt.nz

Haere ki tā mātau paetukutuku i www.nzta.govt.nz/teahuaturanga

Story